@juzmedia: Атырау облысы Жангелдин ауылында бір отбасының қаза табуына қатысты қылмыстық іс бойынша негізгі күдікті Сұлтан Сәрсемәлиевтің бұрынғы жұбайы Ақбаян Мұқанғалиева адам өлтіруге қатысы жоқ деп танылды. Бұл туралы Атырау облысы прокурорының көмекшісі Жандар Болатбек мәлімдеді. ⠀ Оның айтуынша, әйелдің адам өлтіру фактісіне қатысы болмағандықтан, оған қатысты қылмыстық қудалау тоқтатылған. Сонымен қатар қылмыс туралы хабарламау дерегі бойынша бөлек іс тіркелген. Алайда бұл бойынша әзірге құқықтық баға берілмеген. ⠀ Ақбаян Мұқанғалиева күдікті ретінде танылмаған және оған қатысты бұлтартпау шарасы қолданылмаған. ⠀ Прокуратура мәліметінше, Ақбаян Мұқанғалиеваға Алматы қаласында психиатриялық сараптама жүргізілген. Сараптама қорытындысы прокуратураға әлі түспегенімен, дайын екені айтылып отыр. ⠀ Қазіргі таңда әйел Атырауға оралып, облыстық психиатриялық орталықта жатыр. ⠀ Айта кетсек, Жангелдин ауылындағы отбасы өліміне қатысты резонанс тудырған іс бойынша тергеу аяқталып, материалдар сотқа жолданған. Негізгі күдікті Сұлтан Сәрсемәлиев өз кінәсін мойындап, тергеу изоляторында сотты күтіп отыр.

22076

181

2026-05-14 08:18:49

2026-05-14 07:28:02

2026-05-15 08:39:01

To see more videos from user @juzmedia, please go to the Tikwm homepage.