لا تحبون ولا تدخلون نفسكم بهذي الدوامات والله العظيم محد يقولكم ايش ممكن يسوي الحب بالانسان اذا تعلق بالشخص الغلط محد يقولكم كيف ممكن تتحول من شخص طبيعي يضحك ويعيش حياته لشخص منهار نفسيا وجسديا بسبب شخص واحد بس انا كنت انسان طبيعي جدا عندي طموحات وافكار كثير لمستقبلي وكنت احاول اعيش حياتي بشكل طبيعي لين حبيت و دخلت بعلاقه ما توقعت ابدا انها بتوصلني لهذي المرحله تعلقت فيها بشكل مو طبيعي و شفت الدنيا فيها و لا حرفيا صارت كل يومي اول شخص افكر فيه اذا صحيت واخر شخص افكر فيه قبل انام كنت اعيش على اهتمامها وكلامها وحتى نفسيتي كانت تتعدل من رساله منها ومع الوقت حبي لها صار يزيد اكثر واكثر لين وصلت لمرحله اني صرت اضغط على نفسي عشانها بشكل مو طبيعي ابي اكون الشخص الكامل بعينها ابي مستقبلي يكون مرتب ابي اجمع فلوس مهرها بحكم اني كنت ناويها بالحلال وكنت اشتغل و اضغط على نفسي و كنت ادرس واشتغل بنفس الوقت واتحمل مشاكل عائليه فوقها وكل يوم يمر كنت احس الضغط يزيد علي اكثر واكثر بس مع ذا كله كنت اكتم ولا كثير و كنت احاول ابين اني عادي و مافي شي و كنت اطلع الجانب الإيجابي لها ولا احسسها بمشاكلي او ضيقتي حتى لما كنت افضفض لها ما كنت احمل عالكلام طاقه سلبيه لا كنت افضفض بطريقه مافيها طاقه سلبيه لها بس الحقيقه اني كنت انهار شوي شوي بدون ما احد يحس و متحمل فووووق طاقتي و صرت ما انام الا ثلاثه خمسه ساعات والتفكير ما يوقف براسي ابدا حتى وانا احاول انام كنت اقوم مفزوع من كثر التفكير والضغط اللي داخلي وصرت اعصب بسرعه واتوتر من ابسط الاشياء واحس اني مخنوق طول الوقت وفوق كل ذا كنت يوم اختفي اعذرها و برضو بحكم انها كانت فتره التحصيلي فا متخيلين كميه الضغط الي كنت فيها الين ما خذيت اجازه من الشغل عشان ارتاح شوي و ما اموت نفسي لان كنت احس شوي و اموت حرفيا من الضغط و كنت اعتذر لها و اقول لها اني اختفيت عنك كذا عشان التحصيلي و الضغط وهي كانت متفهمتني بالعكس ولكن مع الايام بدت المشاكل تدخل بيننا وتزيد شوي شوي و صار اسلوبها فيه برود و ردودها بارده والاهتمام قل وانا كل مره احاول ارقع الوضع واقول يمكن الظروف ويمكن الضغط اللي امر فيه مأثر علينا وبس مع الاسف جا اليوم الي تركتني فيه و كنت البديل ومو الأساسي و كنت بعينها البديل مو الأساسي وقتها انقهرت قهر مو طبيعي و صرت معصب و ابكي و ارمي اي شي قدامي و انهرت انهرت عالارض حرفيا ومع الايام كنت متضايق مغبون ابكي شخصيتي تغيرت مره و صحتي تدهورت و شكلي تغير مره و الضيقه ما تفارقني ولين بيوم حسيت حرفيا ان جسمي بدا ينهار معي وصحتي بدت تروح فيها كنت جالس لحالي وفجاه بدون اي مقدمات حسيت بصدري ينضغط بشكل يخوف يجماعه والله كانه احد جالس يعصر قلبي بيده ضربات قلبي صارت سريعه بشكل مو طبيعي لدرجه اني كنت اسمعها باذني نفسي انقطع ويدي صارت ترجف بشكل مو طبيعي وعرقي نزل مره وحده حاولت اوقف ما قدرت حاولت اتنفس وكان الهوا مو راضي يدخل و حرفيا حسيت الموت قريب مني بشكل ما اقدر اوصفه نظري صار يزغلل واذني تصفر وجسمي كله صار بارد وانا مو قادر حتى اتكلم من كثر الرعب اللي حسيته بتلك اللحظه و صرت اسمي بالله و احاول اتكلم انادي احد بس ماقدرت الين ما طحت عالارض مغمى علي واهلي لما شافوني خافوا علي واخذوني المستشفى بسرعه ولما دخلت الطوارئ حطوني على السرير بسرعه و ما اذكر وش صار بس يوم صحيت الدكتور صار يسالني اذا عندي مشاكل نفسيه او ضغوط لان نبضات قلبي كانت مرتفعه بشكل يخوف وقتها لاول مره حسيت اني فعلا تعبت مو تعب يوم ولا يومين لا تعب شهور كامله متراكمه داخلي لين جسمي ما عاد تحمل و طلعت معايا امراض الدنيا كلها ومن بعدها صرت اراجع عند طبيب نفسي بشكل مستمر والين ما حالتي صارت اسوء و دخلت عند قسم جراحه القلب وصرت ادخل اقسام المستشفى اكثر من بيتي جلسات ادويه تخطيط / جراحه القلب وتحاليل واسئله كثير عن وضعي النفسي واقسم بالله ان اصعب شعور ممكن يمر على الانسان لما يشوف نفسه جالس بممرات المستشفى ينتظر دوره عند قسم القلب بسبب تراكمات نفسيه ومشاعر وكتمان كنت كل ما اشوف المرضى قدامي احس بخوف غريب واقول بيني وبين نفسي معقول الحب ممكن يوصل الانسان لهنا وصرت طول وقتي ساكت افكر كيف وصلت لهذي المرحله كيف شخص كنت احبه وصلني لذي الحاله وانا كل اللي سويته اني حبيت بصدق ومن بعدها تغيرت بشكل يخوف صرت اخاف اتعلق اخاف احب اخاف اعطي احد كل مشاعري لان بالنهايه محد بيتحمل انهيارك غير نفسك و تغيرت بشكل يخوف ومو طبيعي وفعلا بعض الناس ما يقتلونك مره وحده بعضهم يطفونك شوي لين ما يبقى منك الا شخص متعب ما يعرف نفسه . - @v2l.p7