@bassamtameme2: عشانك أنت ❤️‍🩹 عارف يعني شنو "عشانك إنت"؟ دي الكلمة الوحيدة ال بتخلي الزول"يتنازل" عن کبریائه، وعن راحة باله، وعن ساعات نومه، وهو "مبسوط " وراضي تمام الرضا. دي ما مجرد جملة بتتقال في ساعة ونسة، دي "خلاصة" روح قررت تذوب في روح تانية عشان تدیها القوة. تخیل معاي.. لما الدنيا تضيق بيك وتلقى الأبواب کلها "مردودة" في وشك، ويجيك زول یمسك إيدك "بحنية" ويمسح علی خاطرك المكسور، ويعاين في عيونك بـ "ثبات" ويقول ليك: "أبشر. والله عشانك إنت، بنطوي الفيافي وبندوس علی الجمر حفیانين، ولا يمسك ضيق وأنا حي بنضم." عشانك إنت:بنعرف كیف "نلوي ضراع المستحيل".. بنمشي في دروب وعرة ما بنعرفأولها من آخرها، وبنصادم الريح العاتية، وبنخلي "الصعب" یلین ويطأطئ راسه خجلاً من إصرارنا. بنفتح ليك بوابات الفرح المقفولة بـ "مية ترباس"، وبنفرش ليك السكة "ريد وعشم"، بس عشان تمر إنت ملك.. وراسك مرفوع. عشانك إنت: بنلبس "توب الصبر" الجميل، ونبلع غصص الأيام "مرة" وطعمها علقم، وبنظهر ليك بـ "وش ضاحك" وقلب مستبشر، بس عشان ما نکدر ليك خاطر، ولا نشيلك هم "فوق همك.". بنکتم "الأهة" في الحناجر ونحولها لـ "نغمة" بتطمنك إنو بكرة أحلى.. بس عشانك أنت عشانك إنت: بنبقی ليك "الضل" الوكت الهجير یشتد ويحرق النفوس، وبنبقى ليك "السند" والركيزة الوكت الأرض تمید تحت رجليك. بنتحمل "تعب العمر" كله في "کتافنا"، وبنقول عليهو "خفیف کالريشة"، بس عشان ما تحس ب "ثقل" مدیونیتنا ليك.. لأنو رضاك هو "الکنز" الجينا بیهو من معارك الحياة. الكلمة دي هي "الملح" البيطعم ماسخ أيامنا.. هي ال "بخرة" البندسكها في جیوبنا عشان نعدي بيها امتحانات القلوب الصعبة.. هي القوة الخفية البتخلي الزول يقول: "لو كل الخلايق جفتك، أنا بفضل ليك "وطن" و"سكن" و"أمان".. عشانك إنت بس" إنت متخيل "عظمة" الإحساس؟ إنو يكون في زول في الكون ده، "بوصلته" الوحيدة في کل خطوة، وفي كل نفس، وفي كل "عترة" هي "سعادة قلبك".. بيحرق في شمعة "شبابه" عشان يضوي ليك عتمة "طريقك"، ولما تسأله بـ "دهشة": "ليه بتقدم لي كل ده؟" يتبسم ليك ب "عمق" ويقول ليك بصوت "مبحوح" من فرط الصدق: "ياخ ما تستغرب.. الروح دي لو طلعت فداك، بتطلع وهي "مستسمحة" وراضية.. كل ده عشانك إنت." لأنو في النهاية، إنت ما بس "زول" عابر.. إنت "السبب" الخلانا نحب الحياة، وإنت "الغاية" ال بتستاهل نضيع "عشانها" العمر کله ونحن بنغي. ((عشانك انت)) #الشعب_الصيني_ماله_حل😂😂🙋🏻‍♂️ #مشاهير_تيك_توك_مشاهير_العرب🌺💜

بسام تميم الجيلي الشيخ

Open In TikTok:

Region: SD

Wednesday 13 May 2026 20:25:46 GMT