E falënderoj Kongresmenin Keith Self për mbështetjen e tij të fuqishme për Kosovën dhe aspiratën e saj për anëtarësim në NATO, si rruga më e sigurt për paqen dhe stabilitetin në Ballkan. Populli i Kosovës është me fat që ka miq si Kongresmeni Self në Kongresin amerikan — një zë i fuqishëm në mbrojtje të interesave të Kosovës në Washington 🇺🇸🇽🇰 Në seancën e sotme të Komisionit për Punë të Jashtme në Dhomën e Përfaqësuesve, Kongresmeni Self bëri thirrje për rritjen e presionit diplomatik ndaj shteteve anëtare të NATO-s që ende nuk e kanë njohur pavarësinë e Kosovës. Ai gjithashtu paralajmëroi për rritjen e ndikimit rus në Ballkan, ndërsa Kosovën e quajti një faktor vendimtar për paqen, stabilitetin dhe të ardhmen euro-atlantike të rajonit. Po në këtë seancë, anëtarët e Komisionit mbështetën nismën për emërtimin e objektit të Ambasadës amerikane në Prishtinë me emrin e Kongresmenit Eliot Engel — mikut të madh të popullit shqiptar, i cili për dekada ishte një nga zërat më të fuqishëm në mbështetje të lirisë dhe pavarësisë së Kosovës. Kosova ka një mundësi historike. Me Amerikën në krah, anëtarësimi në NATO mund të arrihet. Dhe brenda pak muajsh, Ambasada e Shteteve të Bashkuara në Kosovë mund të mbajë emrin e Kongresmenit Eliot Engel. Udhëheqësit në Kosovë duhet ta shfrytëzojnë këtë moment historik për ta çuar vendin përpara. Zoti i bekoftë Shtetet e Bashkuara dhe popullin amerikan. Zoti e bekoftë Kosovën dhe mbarë popullin shqiptar 🇺🇸🇽🇰🇦🇱 #HarryBajraktari - @harrybajraktari