စိတ်ကိုထိန်းသိမ်းပြီး ... စိတ်ချမ်းသာအောင် မနေတတ်တဲ့လူတွေဟာ သူများထက်ပိုပြီး အိုလွယ်တယ်။ ဒါကြောင့် ... စိတ်မချမ်းသာစရာကိစ္စ ပေါ်ပေါက်လာလို့ရှိရင် စိတ်ကို ထိန်းသိမ်းပြု ပြင်နိုင်ရမယ်။ ကုသိုလ်ကောင်းမှု ပြု၊ ဘုရားအာရုံပြု ဘုရားရှိခိုး၊ တရားနှလုံးသွင်းနေ၊ အဲဒီ ကောင်းတဲ့ စိတ်ချမ်းသာစရာအလုပ်တွေ လုပ်နေရင် စိတ်ဆင်းရဲစရာနဲ့ တွေ့လည်း စိတ်မဆင်းရဲတဲ့အပြင် နှလုံးသွင်းမှန်လို့ ငြိမ်းချမ်းနေမယ်။ စိတ်ကို ချမ်းသာအောင် မထိန်းသိမ်းနိုင်ရင်တော့ ဆင်းရဲတဲ့စိတ်တွေကြောင့် ဆင်းရဲတဲ့ရုပ်တွေ ထပ်ကာထပ်ကာ အဖြစ်များလာတဲ့အတွက် စိတ်ကြောင့် ရုပ်ဟာ မြန်မြန် အိုလာတော့တာပဲ။ သမုဒယတွေကြောင့် ဆင်းရဲရတယ်။ ဇရာဒုက္ခရဲ့အရင်းခံဟာ တဏှာပဲ။ ဒီရုပ်ဟာ ကံကြောင့်လည်း အိုလွယ်တယ်။ အာဟာရကြောင့်လည်း အိုလွယ်တယ်။ အပူအအေးကို မဆင်ခြင်လို့ မနေတတ် မထိုင်တတ်တာတွေကြောင့်လည်း အိုလွယ်ပါတယ်။ တဏှာအရင်းခံပြီး စားချင်ရာ စား အပူအအေး အရသာတွေကို ဇိမ်ခံပြီး နေချင်သလိုနေ လောကအလိုက် ချမ်းချမ်းသာသာနေတယ် တရားနှလုံးမသွင်းဘူး ပေါ့ပေါ့ဆဆနေတယ် ဒီတော့ ခန္ဓာဟာ မကျန်း မမာဖြစ်ပြီး တဖြည်းဖြည်း ယိုယွင်းလို့ အိုသည်ဘက်ကို မြန်ဆန်လာတယ်ပေါ့။ အဲဒါကြောင့် ... စိတ်ကို ထိန်းနိုင်သမျှ ထိန်းပြီး ပြု ပြင်ပေးမှ ဒီဒုက္ခက သက်သာပေလိမ့်မည်။ သက်သာအောင်လည်း ငယ်စဉ်ကတည်းက စပြီး အလေ့အကျင့် လုပ်ယူထားရမယ်။ #ကျေးဇူးတော်ရှင် #မဟာဂန္ဓာရုံဆရာတော်ဘုရားကြီး 🙏🙏🙏🙏🙏🙏🙏🙏🙏 - @phyuphway.1992