077_mvddd :
Жалғанда қосылмаған ғашықтар көп,
Жүректе сөнбей қалған ай-жалын боп.
Бөлектеп тағдыр екі айырған соң,
Өтеді бұл өмірден бақытсыз боп.
Естайдың Қорланым деп салған әні,
Ғашықтың өшпеп қалған зарлы әні.
Қол созып жете алмаған асылына,
Жандардың таусылмайды арманы әлі.
Төлеген Жібек үшін жанын қиды,
Қыз Жібек қайғы жұтып, жасын тыйды.
Бекежан араздасып бөлгенімен,
Олардың махаббатын тарих сүйді.
Тағдырдың жазуына көнген қанша,
Ішінен жылап тұрып күлген қанша.
Басқамен отау құрып кетсе-дағы,
Сүйіктісін түсінде көрген қанша.
Жалғанның жазылмаған заңы солай,
Жүрекке әмір жүрмес, әттең, оңай.
Қосылмаған ғашықтардың барлығына,
Жылайды мәңгі-бақи жұлдыз бен ай. Нау қалай
2026-05-31 23:07:39