කොහොමද බත්තලංගුන්ඩුවෙ යන්නෙ?😉🏕️🇱🇰 බත්තලංගුන්ඩුව දූපත කල්පිටිය වෙරළේ සිට නාවික සැතපුම් 20ක් (කිලෝමීටර් 38ක්) පමණ දුරින් තමයි පිහිටල තියෙන්නෙ🌴 පොදු ප්‍රවාහන සේවාවකින් බත්තලංගුන්ඩුවෙ යන්න කොළඹ ඉඳන් එනව නම් ලේසිම ක්‍රමේ තමයි මීගමුවට ඇවිල්ල කල්පිටියටම තියෙන බස් එකක් ගන්න එක. ඒක පැය තුනක පමණ කාලයක් යනකොට කල්පිටියට යනව. හැබැයි මේ බස් එක නිතරම නැති නිසා වව්නියා වගේ දුර ගමන් සේවා බස් එකක නැගල පලවියට ඇවිල්ල, එතන ඉදන් කල්පිටියට යන බස් එකක යන්නත් පුලුවන්. මොකද පුත්තලම පැත්තෙ ඉදන් කල්පිටියට යන බස් පලවියෙන් ගන්න පුලුවන් නිසා. එහෙමත් නැත්නම් කෝච්චියෙත් පලවියට ඇවිල්ල එතන ඉදන් කල්පිටියට බස් එකේ යන්නත් පුලුවන්. 🚍 කල්පිටියේ ඉඳන් පොදු බෝට්ටුවකින් (මාර්ක් එකකින්) යන්න පැය තුනක් පමණ ගතවෙනව. ඒ සඳහා එක පැත්තකට විතරක් වැඩිහිටියෙකුට රු.1400 පමණ ටිකට් එකක් ගන්න වෙනව. ඒ වගේම ස්පීඩ් බෝට්ටුවකින් (speed boat) යන්න ගතවන්නේ පැයක පමණ කාලයක්. හැබැයි පොඩි බෝට්ටුවෙ යන්න එක් පැත්තකට විතරක් රු. 7500 ක පමණ තෙල් වැය වෙනවා. 🛥️ Camping යනව නම් රාත්‍රී දෙකක්වත් ඉන්න බලාගෙන යනව නම් දූපතේ හොඳට ඇවිදින්න වෙලාව තියෙනව. කෑම, වතුර හැමදේම අරන් යනව නම් හොඳයි. මොකද එහේ කඩවල බඩු එකකට එකක් ගනන්. ඒ වගේම දූපතේ වතුර බොන්න සුදුසු නෑ. වතුර කිවුල් ගතිය වැඩි නිසා. දූපතේ ඉන්න මිනිස්සු පවා බීමට ගන්නෙ කල්පිටියෙන් ගෙන්වා ගන්න වතුර. Camping කරන ප්‍රදේශයට මඳක් උතුරින් වතුර වලවල් තියෙන නිසා මුහුදේ නෑවට පස්සෙ වලවල් වල වතුර වලින් නාගන්න පුලුවන්. බත්තලංගුන්ඩුවෙ යන්න හොඳම කාලෙ තමයි දෙසැම්බර් සිට අප්‍රේල් දක්වා කාලය. 🍃🏕️ දූපත ගැන කිව්වොත් දූපතේ පළල (නැගෙනහිර සිට බටහිරට) මීටර් 680-700 අතර වෙනව. දිග (දකුණේ සිට උතුරට) කිලෝමීටර් 16.0ක් පමණ වෙනවා. දූපත පදිංචිකරුවන් විසින් ප්‍රධාන කොටස් තුනකට බෙදල තියෙනව. ඒ පල්ලියවත්ත, සින්නගුන්ඩුව, බත්තලංගුන්ඩුව. පල්ලියවත්ත තමයි ඉස්සර ගොඩාක් මිනිස්සු ජීවත් වුනේ සහ පැරණිම පල්ලිය පිහිටල තියෙන්නෙත් මෙතන තමයි. ඒත් දැන් ජීවත් වෙන්නෙ පවුල් 10 ක් පමණ පොඩි ප්‍රමාණයක්. දූපතේ පල්ලි 4 ක් පමණ තිබුනත් ප්‍රධාන වශයෙන් පල්ලි 3ක වගේ තමයි පූජා පවත්වන්නෙ. ඉස්සර පාසලක් සහ තැපැල් කන්තෝරුවක් තිබුනත් දැන් ඒවා නෑ. බත්තලංගුන්ඩුවෙ පොලිස් ස්ථානයක් සහ නාවික හමුදා කඳවුරක් දැක බලාගන්න පුලුවන්. නාවික හමුදා කඳවුර ආශ්‍රිතව සිග්නල් කනුවක් තිබුනත් Dialog සහ Mobitel ජාලවලට පමණයි සිග්නල් තියෙන්නෙ. දූපතට විදුලිය ලබාගන්නෙ සූර්ය කෝෂ වලින් උනත් දූපතේ සෑම නිවසකම විදුලිය නෑ. දුපතේ ස්වභාවය කාලයත් එක්ක වෙනස් වෙනව. දැනට අවුරුදු 15 කට පෙර තිබුන භූමි ප්‍රමාණය නෙවෙයි දැන් තියෙන්නෙ. දැන් ඊට වඩා ගොඩක් අඩුයි. දූපතේ තාර හෝ ගල් දාපු පාරවල් නෑ. ඒ වෙනුවට නිවාස (පොල් අතු වාඩි) අතරින් වැටී තියෙන වැලි සහිත පටු පාරවල් තමයි තියෙන්නෙ. දූපතේ මැද සහ උතුරු ප්‍රදේශවල කඩොලාන, වැලි කඳු සහ පඳුරු සහිත ගස් බලාගන්න පුලුවන්.🍃🌴 දූපතට බටහිරින් "Bar Reef" නමැති සාගර අභයභූමිය දැක බලාගන්න පුලුවන්. ඒ වගේම "Pearl Banks" ප්‍රදේශය ඩොල්ෆින්, තල්මසුන් සහ මුහුදු ඌරන් (dugongs and porpoises) නැරඹීමට ගොඩක් ප්‍රසිද්ධයි. මොකද ඒ කාලෙට වර්ෂාව අඩු නිසා. 🐬🦭 #capcut #travel #camping #baththalangunduwa #srilanka @Tashila dilshan silva - @elapatha