@ola_bahaa: تروح فين في السويس لو هتروح يوم صد رد ؟ الأول : الفطار وهيكون من مطعم رواش من اشهر واقدم المطاعم في السويس وعنده فطار متنوع فول وطعمية وبرجر وسندوتشات تانيه . بعد كدة : هتاخد جولة في متحف السويس القومي والمتحف مليان آثار جميلة من كل العصور اللي عدت علي مصر ، المصري القديم واليوناني والروماني والاسلامي . وفيه كمان مركب حتشبسوت وview جميل علي بورتوفيق . وبعد كدة : تروح تشوف بيت المساجيري اللي اتصور فيه فيلم ابن حميدو وهند رستم رمت الماية منه علي ( الباز افندي ) 😅 وكمان : فيه قصر محمد علي بس ده تقدر تشوفو من بره بس لأنه مش مترمم ومش بيدخل . وطبعا تصلي في مسجد ( سيدي الغريب ) اللي المدينة متسمية بأسمه ( بلد الغريب ) وده كان راجل صالح صوفي . وبعد كدة تطلع علي بورتوفيق تتمشي وسط فلل الفرنساوي لغاية ما توصل لنادي القوات المسلحة وتدخل التذكرة ب ٢٠ ج ومن جوه بيبقي فيه رحلة يخت بيتمشي لمده ساعة في قناة السويس وتتفرج علي السفن وهي معدية القناة . سعرها بيتحدد علي حسب عدد الاشخاص . ( ومش بتبقي غالية خالص . واخر حاجه لازم الice cream من عند راتب 🍧🍨 #creatorsearchinsights #suez #مصر #جولة #قناة_السويس

3532

2026-11-08 18:41:54

2026-05-15 05:29:23

To see more videos from user @ola_bahaa, please go to the Tikwm homepage.