⁨ Burnout - احتراق داخلي مش غريبة انه اكتر اشي بتكون شغوف فيه بيبطل إلك نفس تعمله وابسط المهام اليومية بتكون مش قادر تعملها؟ من سنة تقريبا بلشت صناعة محتوى وكنت مفكر انه الاستمرارية اني ما اعملش شي تاني غير التصوير والمونتاج. حتى بأوقات الفراغ اللي كنت اعمل فيها اشي يغير جوي صرت استغلها اني اكتب محتوى وامنتج. بس للأسف مع الوقت صار خُلقي ضيق وبطّلت قادر اعمل اي اشي، ويومي بروح تفكير وتأنيب ضمير اني قاعد هيك وخلص. واستمر الوضع هيك لشهور على امل انه يتحسن بس كان يصير اسوأ، لعند ما آخر شي استوعبت انه مش هيك الاستمرارية واني لازم اعطي نفسي راحة. بلشت اطلع اتمشى بشوارع مش رايحلها من قبل صرت اكتب اي افكار بتخطرلي وجربت رياضات وفعاليات جديدة عني وبفضل الله والصلاة والدعاء اللي هن شي اساسي خلال المرحلة هاي والاسباب اللي اخدتها قدرت اطلع وحدة وحدة من اللي كنت فيه الحمدلله. ف لو بتمر بنفس المشكلة، خليها على الله اول اشي وخد بالاسباب لتكسر الحلقة اللي علقان فيها.⁩ - @abozzalam