ကိုယ်က မင်းကို မမေ့နိုင်သေးတဲ့အချိန်မှာ မင်းကတော့ တခြားလူနဲ့ ပျော်နေခဲ့ပြီ…။ အဲ့ဒီအမှန်တရားကို ပထမဆုံး သိလိုက်ရတဲ့နေ့က ကိုယ့်ရင်ထဲမှာ တစ်ခုခု ကျိုးပဲ့သွားသလိုပဲ…။ တစ်ချိန်က ကိုယ့်လက်ကို မလွှတ်ဘူးလို့ ပြောခဲ့တဲ့မင်းက အခုတော့ တခြားလူရဲ့ လက်ကို ခိုင်ခိုင်မာမာ ကိုင်ထားနိုင်ပြီ…။ ကိုယ်နဲ့ ရှိခဲ့တဲ့ အချိန်တွေက မင်းအတွက် ဘာမှမဟုတ်ခဲ့ဘူးလား… ဒါမှမဟုတ် မင်းက မေ့တတ်လွန်းတာလား…။ ကိုယ်ကတော့ မင်းထွက်သွားတဲ့နေ့ကစပြီး ကိုယ့်ဘဝကို ပြန်တည်ဆောက်ဖို့ ကြိုးစားနေခဲ့တာ…။ အပြင်မှာတော့ အဆင်ပြေသလို ပြုံးနေခဲ့ပေမယ့် တကယ်တော့ တိတ်တိတ်လေး ပြိုကျနေခဲ့တာ…။ မင်းနဲ့ ပတ်သက်တဲ့ အမှတ်တရတိုင်းက ဖျက်လိုက်လို့ မရတဲ့ tattoo တစ်ခုလို ရင်ထဲမှာ စွဲနေတုန်းပဲ…။ တစ်ခါတစ်လေ မင်းပို့ခဲ့ဖူးတဲ့ message အဟောင်းတွေ ပြန်ဖတ်မိတယ်… “မင်းမရှိရင် မဖြစ်ဘူး” ဆိုတဲ့ စကားတွေကို အခုချိန်မှာ ပြန်ကြည့်ရင် ရယ်စရာလိုလို နာစရာလိုလို ဖြစ်နေတယ်…။ တကယ်တော့ မင်းမရှိရင် မဖြစ်တော့တာက ကိုယ်တစ်ယောက်တည်း ဖြစ်နေခဲ့တာ…။ မင်းကတော့ ကိုယ်မရှိတဲ့ ဘဝအသစ်မှာ အဆင်ပြေပြေ ရယ်နိုင်နေပြီ…။ ကိုယ်ကတော့ လမ်းတစ်လျှောက်မှာ မင်းနဲ့တူတဲ့ နောက်ကျောတွေ့ရင်တောင် ရင်ခုန်နေမိတုန်း…။ ဖုန်း notification တက်လာတိုင်း မင်းများလားဆိုပြီး မျှော်မိတုန်း…။ ညဘက်တွေမှာ အိပ်မပျော်ဘဲ မင်းနဲ့ ပြောခဲ့ဖူးတဲ့ စကားတွေကို ခေါင်းထဲမှာ ပြန်ကြားနေရတုန်း…။ မင်းကတော့ တခြားလူနဲ့ future အကြောင်း ပြောနေလောက်ပြီ ကိုယ်ကတော့ မင်းနဲ့ past ထဲကတောင် မထွက်နိုင်သေးဘူး…။ အနာကျင်ဆုံးက ကိုယ့်ရဲ့ မေ့မရမှုတွေဟာ မင်းအတွက် ဘာမှ အဓိပ္ပာယ်မရှိတော့တာပဲ…။ ကိုယ်က မင်းပြန်လာမယ်ဆိုတဲ့ မျှော်လင့်ချက်သေးသေးလေးနဲ့ အသက်ရှင်နေခဲ့တာ… ဒါပေမယ့် မင်းကတော့ ပြန်မလာတော့ဘူးဆိုတာကို အပြုအမူတွေနဲ့ ပြသနေခဲ့ပြီ…။ တစ်ချို့လူတွေက ဘဝထဲ ဝင်လာပြီး ပျော်ရွှင်မှုတွေ ပေးသွားတယ်…။ တစ်ချို့လူတွေကတော့ ထွက်သွားပြီးမှ နာကျင်မှုတွေ အပြည့်ချန်ထားခဲ့တယ်…။ မင်းက ကိုယ့်ဘဝရဲ့ အလှဆုံးအမှတ်တရ ဖြစ်ခဲ့သလို အနာကျင်ဆုံးဒဏ်ရာလည်း ဖြစ်ခဲ့တယ်…။ အခုထိ ကိုယ် မင်းကို မုန်းဖို့ မတတ်နိုင်သေးဘူး…။ ဘာလို့လဲဆိုတော့ အရမ်းချစ်ခဲ့ဖူးတဲ့ လူတစ်ယောက်ကို တကယ် မုန်းဖို့ဆိုတာ မလွယ်ဘူးလေ…။ ဒါပေမယ့် မင်းပျော်နေတာကို မြင်ရတဲ့အချိန်တိုင်း ကိုယ့်ရင်ထဲမှာတော့ “မင်းမရှိရင် မဖြစ်နိုင်ဘူး” ဆိုတဲ့ ကိုယ်က တဖြည်းဖြည်း သေဆုံးနေတုန်းပဲ… 🖤#black🍀 #sadfeelings #foryou - @black46543