@dr.ayman.ahk: علاش هاد المزيج يقدر يكون خطير على حياتك؟ بزاف ديال الناس كياخدو الدوا ديال "الجريان" (Les anticoagulants) بحال (Sintrom, Xarelto, Eliquis...) و فاش كيحسو بشي حريق فالراس أو السنان، كيمشيو ياخدو "إيبوبروفين" (Ibuprofen) بلا ما يسولو الطبيب. شنو كيوقع فالجسم ديالك؟ 1️⃣ مضادات التخثر (Anticoagulants): الخدمة ديالهم هي كيجريو الدم باش يحميونا من الجلطات (Les caillots). 2️⃣ مضادات الالتهاب (AINS بحال Ibuprofène): هاد الأدوية كتهيج الغشاء ديال المعدة وكتنقص من الحماية الطبيعية ديالها. الخطر (Le Risque): ملي كتجمعهم بجوج، كيتزاد خطر الإصابة بـ نزيف هضمي حاد (Hémorragie digestive). المعدة كتقدر تجرح، وبما أن الدم "جاري"، السيلان ما كيبغيش يحبس، وهادشي كيقدر يدي لمضاعفات خطيرة ومستعجلة. العلامات اللي خاصك ترد ليها البال: خروج الخروج (البراز) بلون أسود بحال "الفاخر" (Méléna). حريق مجهد وفجائي فالمعدة. دوخة شديدة أو سخفة (بسبب فقر الدم الناتج عن النزيف). ✅ النصيحة الطبية: إذا كنتي كتاخد دوا ديال الجريان، الدوا الوحيد اللي مسموح به فالحالات العادية للحريق هو البراسيتامول (Paracétamol). قبل ما تاخد أي دواء آخر، ضروري استشارة الطبيب ديالك أو الصيدلي. شارك هاد المعلومة مع عائلتك، تقدر تنقذ حياة شخص كياخد هاد الأدوية يومياً! #maroco🇲🇦algeria🇩🇿tunisia🇹🇳 #مغرب #morocco #الدار_البيضاء_مراكش_الرباط_طنجة #maroc

Dr Ayman AIT HAJ KADDOUR

Open In TikTok:

Region: MA

Friday 15 May 2026 10:54:02 GMT