==========🙏=========== ထိတယ်ဆိုတာ ......... တကိုယ်လုံးမှာ အမြဲလိုဘဲ ရှိနေပါတယ်၊ တကိုယ်လုံးမှာ ဘယ်နေရာကပဲဖြစ်ဖြစ် စဉ်စားကြည့်လိုက်ရင် ထိသိမှု့ တမျိုးမျိုးဟာ ရှိနေတာဘဲ ...။ နောက်ပြီးတော့ ကြံသိမှု့ဆိုတာကလဲ အိပ်ပျော်နေတဲ့အခါ မဟုတ်ရင် အမြဲတမ်းရှိနေတာဘဲ ...။ ဒါကြောင့် ဒီထိတာနဲ့ သိတာကိုသာ မှတ်ရတာ အများဆုံးပါဘဲ ဘာမျှ ထူးထူးခြားခြား မှတ်သိစရာမရှိရင် ကိုယ်ထဲက ထိသိတာကိုဘဲ ရှုူ့မှတ် နေရတယ် ဖောင်းတယ် ပိန်တယ် ထိုင်တယ် ထိတယ် စသည်ဖြင့် မှတ်နေရတယ် ....။ ဒီလိုမှတ်နေရင်း ကွေးမှု့ ဆန့်မှု့ လှုပ်ရှားပြုပြင်မှု့ အစရှိသော ကိုယ်အမူအရာ အထူးတွေ ပေါ်လာရင် အဲဒီထိမှု့ အထူးတွေကို လိုက်မှတ်ရတယ် ...။ တွေ့ထိရာက ညောင်းမှု့ ပူမှု့ မခံသာမှု့ ခံသာမှု့ ကောင်းမှု့ဆိုတဲ့ ဝေဒနာအထူးတွေ ပေါ်လာရင် အဲဒါတွေကိုလဲ လိုက်မှတ်ရတယ် ...။ ဒါတွေဟာ အကုန်လုံး ထိသိပြီး ခံစားတဲ့ ဝေဒနာတွေချည်းပါဘဲ ...။ နောက်ပြီးတော့ ....,..... စိတ်ကူးစဉ်းစား ကြံစည်မှု့ ဖြစ်ပေါ်လာရင် အဲဒါကို ရှုူ့မှတ် ရတယ် ကောင်းတဲ့စိတ်ကူးလဲ မှတ်ရတယ် မကောင်းတဲ့စိတ်ကူးလဲ မှတ်ရတယ် တရားအားမထုတ်ဘဲ အလွတ်နေတဲ့ ပုဂ္ဂိုလ် အားထုတ်ခါစပုဂ္ဂိုလ်တွေမှာ အများအားဖြင့် ကိုယ်လုပ်နေကျ ကိုင်နေကျ ကြံစည်နေကျ အမှု့ကိစ္စတွေကို ကြံနေတာ များတတ်ပါတယ် ...။ တရားအားထုတ်လို့ သမာဓိဉာဏ် ရင့်ကျက်လာတဲ့အခါကျတော့ အဲဒီလို ကြံစည်မှု့တွေဟာ မရှိသလောက်ပဲ ကင်းငြိမ်းသွားပါတယ် ဒါပေမယ့် တရားနဲ့စပ်တဲ့ စိတ်ကူး ကြံစည်မှု့တွေကတော့ အချို့ပုဂ္ဂိုလ်မှာ မကြာခဏ ဖြစ်ပေါ်နေတတ်တယ် အဲဒါတွေလဲ ရှုူ့မှတ်ရတယ် ...။ အဲဒီလို ရှုမှတ်ပြီး ............ ချက်ခြင်းပင် ပျောက်ပျောက်သွားလို့ မမြဲတဲ့ တရားတွေဘဲ ဆိုတာ သိ သိသွားရင် အဲဒီ ကြံစည်မှု့ထဲမှာပါတဲ့ ဝေဒနာကြောင့်ဖြစ်မည့် တဏှာဟာ ဖြစ်ခွင့်မရှိဘဲ ငြိမ်းသွားပါတယ် တဏှာငြိမ်းတော့ ဥပါဒါန် ကံနဲ့ ဘဝသစ်ဆင်းရဲတွေကလဲ အကုန်ငြိမ်းသွားတယ် ဒါဟာ ဝေဒနာကြောင့် တဏှာဖြစ်တတ်သည် ဆိုတဲ့ ပဋိစ္စသမုပ္ပါဒ်အလယ်ပိုင်းမှ တဏှာမဖြစ်ပဲ ငြိမ်းပြတ်သွားအောင် အားထုတ်ပုံ အားထုတ်နည်းပါဘဲ။ ကျေးဇူးတော်ရှင် မဟာစည်ဆရာတော်ဘုရားကြီး 🙏🙏🙏 ★JG Jay Gyi Crd JG Jay Gyi (Facebook) __________________________________ •မူရင်းရေးသားသူ/ •ဖြန့်ဝေသူအားလုံးဂါရဝပြုပါသည် •( #ဓမ္မသုတလမ်း )မှ •"#ဓမ္မဒါန အနေဖြင့်ပြန်လည်မျှဝေပါသည်။ •"ကောင်းမူ နေ့စဉ်ပြုပါ" •Copyဖြင့်သော်၎င်း •Share ဖြင့် သော်၎င်း •ပြန် လည်မျှဝေခြင်းဖြင့်။ • အမြတ်ဆုံးတရားကုသိုလ်ပြုနိင်ပါတယ်"✅ •🙏"သဗ္ဗဒါနံ ဓမ္မဒါနံ ဇိနာတိ "🙏 •🙏"အလှူ အားလုံး ထဲတွင် • တရားအလှူသည် အမြတ်ဆုံးဖြစ်၏"🙏 •ဤ(ရုပ်/နာမ်-ခန္ဓာ)မှပြုခဲ့ရသော •ကောင်းမူအစုစုအား အားလုံးကိုအမျှဝေပါ၏✅ု •🙏 နတ်/လူ သာဓုခေါ်စေသော်။.....🙏 "ဣဒံ မေ ပုညံ နိဗ္ဗာနဿ ပစ္စယော ဟောတု" •“နေရက်တိုင်းမှာစိတ်၏ချမ်းသာခြင်းကိုယ်၏ကျန်းမာခြင်းနှင့်ပြည့်စုံကြပါ‌စေ” _________________________________ - @dhammathutalan