@user7278426145994: Бүгін ел өміріндегі маңызды өзгерістің куәсі болып отырмыз. Парламентте «Қазақстан Халық Кеңесі» туралы Конституциялық заң жобасының бірінші оқылымда мақұлдануы – мемлекет пен халық арасындағы байланысты жаңа деңгейге көтеретін бастама деп есептеймін. Біз талай кезеңді бастан өткердік. Қоғамның беріктігі – ең алдымен ел ішіндегі татулыққа, өзара сенімге және халық үнінің естілуіне байланысты. Осы тұрғыдан алғанда, Халық Кеңесінің құрылуы – уақыт талабынан туған шешім. Бұл Кеңесте әртүрлі саланың өкілдері, этномәдени бірлестіктер, қоғамдық ұйымдар, мәслихат депутаттары бас қосып, ел ішіндегі өзекті мәселелерді бірге талқылауға мүмкіндік алады. Халықтың мұңы мен ұсынысы жоғары мінберлерге тікелей жетсе – бұл мемлекеттің де, қоғамның да ұтқаны. Бүгінгі таңда Қазақстанға тек экономикалық даму ғана емес, қоғамдық келісім мен өзара сенімге негізделген саяси мәдениет аса қажет. Ақылдасып шешім қабылдау, көптің пікірін тыңдау – біздің ата-бабадан келе жатқан дәстүріміз. Халық Кеңесі осы ұлттық құндылықтарды қазіргі заман талабымен ұштастыратын маңызды алаң болады деп сенемін. Ең бастысы – бұл Кеңеске ел ішінде сөзі өтімді, тәжірибесі мол, халыққа жанашыр азаматтар келуі керек. Сонда ғана ол шынайы қоғамдық пікірдің мінберіне айналады. Береке – бірлікте. Ал бірлік – өзара құрмет пен ашық диалогтан басталады. Халық Кеңесі ел ішіндегі татулықты нығайтып, мемлекет пен қоғам арасындағы сенімді арттыруға қызмет етеді деп ойлаймын.

Оспанов Б.М

Open In TikTok:

Region: KZ

Friday 15 May 2026 14:44:36 GMT