ဒီစာကို ဖတ်နေရတဲ့အချိန်မှာ မင်းဘေးနားမှာ ငါမဟုတ် တဲ့ တခြားတစ်ယောက် ရှိနေပြီဆိုတာ သိပါတယ်။ အစ ကတော့ ဒါဟာ အိပ်မက်ဆိုးတစ်ခုလို့ပဲ ထင်ခဲ့မိပေမဲ့ လက်တွေ့ဘဝက ငါ့ကို အမှန်တရားနဲ့ ရိုက်နှိပ်ပြီး နိုးထ စေခဲ့ပါပြီ။ ငါတို့နှစ်ယောက်ကြားမှာ ခိုင်မြဲတယ်လို့ ထင် ခဲ့တဲ့ ကတိတွေ၊ မျှော်လင့်ချက်တွေဟာ အခုတော့ ငါ တစ်ယောက်တည်း ဆုပ်ကိုင်ထားရတဲ့ ပြာမှုန်တွေလို ဖြစ်သွားခဲ့ရပြီပေါ့။ ငါ မင်းကို အပြစ်တင်ဖို့ထက် ငါ့ကိုယ်ငါ ပြန်ဆန်းစစ် ကြည့်မိတယ်။ ငါ့ရဲ့ အချစ်တွေက မင်းအတွက် မ လုံလောက်ခဲ့လို့လား၊ ဒါမှမဟုတ် ငါ့ရဲ့ ဂရုစိုက်မှုတွေက မင်းအတွက် အသက်ရှူကျပ်စရာ ဖြစ်ခဲ့လို့လားဆိုတာ ပေါ့။ တကယ်တော့ အချစ်ဆိုတာ တစ်ယောက်တည်း ရုန်းကန်လို့ရတဲ့အရာမှ မဟုတ်တာ။ မင်းရဲ့ စိတ် အာရုံတွေ နောက်တစ်ယောက်ဆီ ရောက်သွားပြီဆို ကတည်းက ငါတို့ရဲ့ ဇာတ်လမ်းက အဆုံးသတ်ဖို့စနေပြီဆိုတာပါပဲ", မင်း ရွေးချယ်လိုက်တဲ့ လမ်းကြောင်းအတွက် ငါ ဝမ်းနည်းမိပေမဲ့ မင်းရဲ့ ပျော်ရွှင်မှုကိုတော့ ငါ မတားဆီး ချင်ပါဘူး။ တခြားတစ်ယောက်နဲ့ လက်တွဲသွားတဲ့ မင်းရဲ့ ကျောပြင်ကို ကြည့်ရင်း ငါ့ဘက်က ပေးနိုင်တဲ့ နောက်ဆုံးလက်ဆောင်ကတော့ "လွတ်လပ်ခွင့်" ပါပဲ။ မင်းကို ချစ်ခဲ့တဲ့ အချိန်တွေအတွက်တော့ ငါ နောင်တမ ရဘူး။ အဲ့ဒီအချိန်တွေမှာ ငါ တကယ်ပဲ စိတ်ရင်းနဲ့ ချစ်ခဲ့ တာမို့လို့ပါ။ နောက်ဆုံးအနေနဲ့ ပြောချင်တာကတော့.. နောက် တစ်ယောက်နဲ့ လက်တွဲတဲ့အခါ ငါ့ဆီမှာ ထားခဲ့သလို မျိုး နာကျင်မှုတွေကို သူ့ဆီမှာ ထပ်မပေးပါနဲ့။ မင်းကို တကယ်တန်ဖိုးထားတဲ့သူနဲ့ ပျော်ရွှင်အောင် နေထိုင်ပါ။ ငါကတော့ မင်းမရှိတဲ့ လမ်းမထက်မှာ ငါ့ကိုယ်ငါ ပြန့် ရှာဖွေရင်း၊ မင်းပေးခဲ့တဲ့ သင်ခန်းစာတွေကို အိတ်ကပ် ထဲထည့်ပြီး အဝေးဆုံးကို ထွက်ခွာသွားပါတော့မယ်။ နေကောင်းအောင်နေပါ။ ပျော်ရွှင်ပါစေ။နင်နဲ့ ပတ်သက်သမျှ အရာရာကို မြင်ယောင်တိုင်း ရင်ဘတ်ထဲမှာ ဆူးနဲ့ ထိုးသလိုပဲ။ အမြဲတမ်း သတိရနေ ပါတယ်ဆိုတဲ့ စကားက နင့်အတွက်တော့ ရိုးအီနေနိုင်ပေ မဲ့ ငါ့အတွက်တော့ သွေးစိမ်းရှင်ရှင် ထွက်နေတဲ့ ဒဏ်ရာ တစ်ခုပါ။ ငါတို့ လမ်းခွဲခဲ့ကြပြီဆိုပေမဲ့ နင့်အပေါ်ထားတဲ့ ငါ့ရဲ့ စေတနာကတော့ ဘယ်တော့မှ အရောင်မပြောင်းပါ ဘူး။ ငါ့ဘက်က နင့်ကို နွေးထွေးမှုတွေ အပြည့်အဝ မ ပေးနိုင်ခဲ့လို့ နင် ကျောခိုင်းသွားတာဆိုရင်လည်း နင့်ကို နားလည်ပေးပါတယ်။ ငါမရှိတော့တဲ့ နင့်ရဲ့ ရှေ့ဆက် မယ့် နေ့ရက်တိုင်းမှာ ငါ့ထက်သာတဲ့သူနဲ့ ဆုံပြီး အရာရာ တိုင်း အဆင်ပြေချောမွေ့ပါစေ။❣️ချစ်သောရယ်.♥"„ - @peicinred