#amor #fo #pourtoi #lyesmaknine # قصيدة القاضي (يا القاضي تفرق بيني و بين خناري) نظم الحاج فاضل المرنيسي • جيناك يا القاضي تفرقنا بلفصال إلا الحق فيّا قبضو مني * مال ولفي تاهت عني * آالقاضي أحسن عوّني وما في ضني *** ولفي تغيب عني من حبها دهاني *** سحر ذهاني آالقاضي لنك ذوقي لبيب يضماري *** برجاحة العقل لأنك عيّار هجرتني ميلافي خليلتي صالت علبدور *** هجرتني يا حسراه جيت انقيس ليك نار الغرام في سياري *** والتيه زاد حالي نار على نار غير أنكايد فالداج كا نشابه ولد الهيزور *** ودموعي لا فترى شوف من حالي يا فقيه أو حن لغياري*** دار الفقيه لغزالي يا حضار فقال لها قومي تجاوبي يا زرق المضفور*** عيدي لي كيف جرى قالت يا سيدي هذا جى إيحارب بالعاري*** وأنا يا القاضي ما جبت خبار غير أجبرني في باب دارنا يوم خرجت أنزور*** ورمقني بالنضرة قالّي يا ذيك الهيفة ارواح تتسارى*** وأنا ما بغيت نتبعو لدّار ودعاني يا سيدي بلا حياء دار شهود الزور*** أشنهي ذلحقرة . الحربة ىالقاضي تحكم بيني أو بين خناري*** مكمولة البهى والزين المسرار من تركتني نرثي بلا عقل في رسامي مهجور ***مالي عنها صبرة . قالت يا القاضي هذا بيه الهبال عمرو ما نضر زيني بلماحو* ولا ضفر بيّا مركاحو *ولا شعل عني مصباحو الحب لاحو*** مهما ضوى مراحو عنوة بغى مزاحي*** ما هو صاحي دار الفقيه ليّا غيضان رايد شراري*** وانطق قال لي يا ذاك الغدار فارق عنك مكمولة البهى لا تدعي بفجور*** ما نقبلك هدرة قلت ليه يا سيدي القاضي دخيل بالباري*** في طرايق الحقايق تعرف ما صار أنا ميلافي ما نجوزها رمقات اليعفور*** بيها قلبي يبرى أو ليك يا قاضي ناس الحال بحت بسراري ***وأنا يا لفقيه ما بيّدي مقدار جيتك شاكي باكي بليعتي أو قلبي معقور*** ما نفعتني صبرة قالّي قوم أتيني بشهود لحباري *** في مواجب الهوى نفدي ليك الثار وأسمع مني هاذ المخاطبة لا تمشي مغرور*** في سواق أهل الهجرة قلت لو ما حضرو حتى شهود في اوكاري*** إلاّ خليلتي وكيوس المستار والحساني والشمع كا إيلالي عقب الديجور*** ونواع من الخمرة . الحربة ىالقاضي تحكم بيني أو بين خناري ***مكمولة البهى والزين المسرار من تركتني نرثي بلا عقل في رسامي مهجور*** مالي عنها صبرة . واسمع يا القاضي ونظر زين الغزال زكي ملامحك في بديع صدرها * فيه دارت ما يعجبها * كما بغات على خاطرها تاج لــــبهـــى***سبحان من خلقها في حروفها نزاهة *** ما نـنـســـهـا هاي مارتها نوريها أو صيغ يا قاري ***بين النهود نزّلت طيور حرار وأعملت الليث مع لبيّتو و منازه و قصور ***و نزر زين العفرة قال لها القاضي انشوف ببصاري*** إيمارة العشيق الكاوي بالنار إلا هي فالجد آ الدّامي فتح الغنجور*** طلقي ذيك البشرة قالت غزالي للقاضي نبيّن أعواري ***هذا حرام فالمذهب ما يذكار شاين قلتي محذوف يا فقيه ما جابوه سطور*** في سواق بني عدرة تغيّض القاضي وخرج يا فهيم إيداري ***ونطقت قلت ليه يا قاري لسطار لا تاخذ شي عن راحة العقل واحكم بالمشهور*** شاف أوّشام العذرى تاه عن عمالو ووأرجع لي خصيم بالكاري*** وانطق قالّي ما ينفعك تحزار هاذ الهيفة ما هي كسيبتك يا داخل لبحور*** راك أظلمتي لمرا . الحربة ىالقاضي تحكم بيني أو بين خناري ***مكمولة البهى والزين المسرار من تركتني نرثي بلا عقل في رسامي مهجور*** مالي عنها صبرة . حاز الغزال عندو و تركني دون حال وبقيت كا إيخمّم عقلي ويجول* كيف نعمل كيف المعمول *مع الفقيه والزين المكمول حرت فالقول ***وبقى الخاطر إيجول شيلة ما جرالي *** عمدة لي قلت ليه خاف من المولى أو شوف لضراري*** أنا عشيق كيف جرالي نهجار رجع قاضي ناس الهوى فقال البو شنبور*** اسمحي لو ذلمرّة صلحنا قاضي ناس الحال أو جات لوّكاري*** وزهى بساطنا بوّجود الخنار من صالت بمحاسن البهى بمجيّيها مبشور ***جات غزالي زهرة حانطة في كساوي قرفي أو لون زنجاري ***وزهات ليلتي أو زالت كل كدار ليلتنا مكمولة مرونقة والساقي مشمور*** إيهادي بالخمرة الجناح أو جنك وكــمـانـجة وطـراري ***وصوات رايقة بنغايم لوتار وصحابين الألة زاهرة في رياضي مزهور*** فتح كمام البشرة . الحربة ىالقاضي تحكم بيني أو بين خناري*** مكمولة البهى والزين المسرار من تركتني نرثي بلا عقل في رسامي مهجور*** مالي عنها صبرة . أسمي نبيّنو في أبجد يا من تسال قرى ثمانيّين توريك الأسم *إذا أنت معناوي ناجم * باش تستفخر بالنّاظم يــــــا الـــــفــاهــــم ***تسعين شرط لازم ثلاثين نوّضح أسمي *** ماني غشمي بالمعاني نعني فاضو بحور زخاري*** بمايتي أو ديــوانـي كا نختار كا نلفض بالمعنة الرايقة و نوّضّح لسطور*** خوذ سلوك الفجرة واش رايس لقماش إيعندو الحباري*** آويح من جحدني نسقيه مرار يوم الهوشات رمحي أمقلّدو علجحود ندور*** ما نفعتهم هدرة آالقاضي ليك ادعيت الغزال خناري ***علاش دون سبة هاجر لوّكار جفلت من رسمي قامة القناء بودواح زهور*** زينة الأسم زهرة . الحربة ىالقاضي تحكم بيني أو بين خناري*** مك - @lyesmeknine