@h.11.70: زين بس اريد افهم هوه ليش هيج صار؟ زين هيه حياتي ليش انگلبت كلها بسبب ستوري تافه نشرته ب2024/3/23 ؟ زين ليش اني الوحيده الي اتذكر كل التفاصيل و كل الكلام؟ ليش همه ناسين الي سووه؟ ليش اصلا بعضهم ناسين منو اني ؟؟ زين اني ليش مدا اكدر اتخطى صارلي سنتين و زين ليش اني الغبيه ممكن ارجع انطي فرصه ثانيه لنفس الشخص؟ و ليش اصلا ممكن تصير نهايه مختلفه؟ شجنت اتوقع مثلا؟ ليش بعدني محتفظه بكل الصور و المحادثات و الڤويسات و كلشي جرحني قبل سنتين؟ ليش اصلا دا اكول عنه ماضي و اني دا أعيشه كل يوم؟ زين هسه ليش دا انتظر نفس الشخص الي ما اعتقد ممكن يتغير؟؟ شلون كدروا ينامون و ينسوني واني راح اصير مخبله من وراهم؟؟ زين هوه شلون كدر هيج يسوي بالبنيه الي جان يكول يحبها؟ شلون كدر يسمحلهم يسوون هيج بيه كدام عيونه و هسه ناسي كل التفاصيل و كل كلامه الي جان يبچيني كل يوم؟ اتذكر كلش زين ذاك اليوم الي اخذت بي اقوى صدمه و رجفة ايدي و كمية البچي الي بچيته بالليل و شلون بصعوبه كدرت اخفي مشاعري كدام اهلي، زين ليش من احجي بهاي السالفه يكلي سالفه قديمه انسيها شكو تزعلين؟ بس هوه ميعرف انو هاي السالفة القديمه لحد هسه تأذيني و اتذكر كل تفصيله صغيره بيها من كمية الالم الي عشته بذاك اليوم، ليش ممكن يكون حُبي الاول هوه نفس سبب انعدام ثقتي بالناس و خوفي انو ارجع احب؟ حتى لو تغير هسه، اني شلون اتخطى؟؟ هل تغييره هسه يخليني انسى الي خلاني اعيشه؟ لا. يمكن حتى لو تغير و حتى لو فعلا صار يحبني و حتى لو نكدر نصير سويه، اني مراح انسى الي عشته قبل سنتين و يمكن لهل سبب اني اكون حساسه زياده عن اللزوم من اكون وياه، لأنه جرحني جرح چبير قبل سنتين، يمكن صدك ما النه مستقبل سويه، مو بسبب أنه ميحبني لو منكدر، لا، بس بسبب ذاكرتي القوية بالاشياء السيئه و إني كل ما انجرحت بشكل بسيط منه ارجع اتذكر هذاك الجرح الچبير. #fyp #foryoupage #foryou #viral #بدون_موسيقى

.

Open In TikTok:

Region: IQ

Saturday 16 May 2026 00:06:48 GMT