၆ ပတ်ကျော် ဆက်တိုက် သို့မဟုတ် ခဏခဏပြန်ထနေတဲ့ အင်ပြင်ထခြင်းကို Chronic Urticaria လို့ခေါ်ပါတယ် အင်ပြင်ထ (Urticaria) ကို နှစ်မျိုး ခွဲခြားပါတယ်။ Acute → ရက်အနည်းငယ်ကနေ ၆ ပတ်အတွင်း ပျောက်သွားတတ်တယ်။ Chronic (နာတာရှည်) → ၆ ပတ်ကျော်ပြီး ဆက်ဖြစ်နေရင် ဒါက chronic urticaria ဖြစ်ပါတယ်။ နေ့စဉ်လို အနီဖုတွေ ထလာပြီး ယားယံနေတာ ဖြစ်နိုင်ပါတယ်။ အရေးကြီး အချက်ကတော့ Chronic အင်ပြင်ထခြင်းက အသက်အန္တရာယ် မရှိပါ ဘူး။ ဒါပေမဲ့ အရမ်းပူဆွေးစရာ ကောင်းပြီး နေ့စဉ် ဘဝကို ထိခိုက်စေနိုင်ပါတယ်။ allergy test လုပ်လည်း ဘာမှမတွေ့နိုင်ပါဘူး။အများစုမှာ အကြောင်းရင်း ရှာမတွေ့ပါဘူး (idiopathic)။ ဒါပေမဲ့ ကုသမှု ရှိပါတယ်။ ၆ ပတ်ကျော်ရင် ဘာလုပ်ရမလဲ? ၁. ဆရာဝန်ဆီ ပြပါ (အရေးကြီးဆုံး) အရေပြားဆရာဝန် (Dermatologist) သို့မဟုတ် အလှအပဆရာဝန်ဆီ သွားပါ။ Chronic urticaria အကြောင်းသေချာရှင်းပြခိုင်းပါ။ ကုသနိုင်တဲ့ နည်းလမ်းတွေ မေးပါ။ အမြစ်ပျောက်ဆေးတော့ ရှိမှာမဟုတ်ပါ။ ထိန်းလို့ရတဲ့ ကုသမှုပဲ ရှိပါတယ်။ ၂. ဆေးကုသမှု အဆင့်ဆင့် ပထမ အဆင့် → ယားပျောက်ဆေး (Antihistamine) ကို နေ့စဉ် သောက်ပါ (Cetirizine, Loratadine စသဖြင့်)။ မလုံလောက်ရင် ဆရာဝန်က ပမာဏ တိုးပေးနိုင်ပါတယ်။ မသက်သာရင် → အခြား ဆေးများ (Leukotriene antagonists, short course steroid) ထည့်သုံးနိုင်ပါတယ်။ ဝေဒနာပြင်းထန်ရင် → Biologic ဆေး (Omalizumab) ကဲ့သို့သော ခေတ်မီဆေးတွေ ရှိပါတယ်။ ၃. အိမ်မှာ ဆက်ဂရုစိုက်ပါ Trigger တွေ ရှောင်ပါ (ပူအိုက်ခြင်း၊ စိတ်ဖိစီးမှု၊ အရက်၊ ကိုယ်ကျပ် အဝတ်အစား)။ ရေအေး ကပ်ပါ၊ ပျော့ပျောင်းတဲ့ ခပ်ပွပွ အဝတ် ဝတ်ပါ၊ Oatmeal နဲ့ ရေချိုး ပေးပါ။ Chronic urticaria က အချိန်ကြာလာရင် ပျောက်ကင်းသွားတတ်ပါတယ်။ ဒါပေမဲ့ စောစောဆရာဝန်နဲ့ တိုင်ပင်ရင် ပိုမိုသက်သာစွာ နေနိုင်ပါလိမ့်မယ်။ ကျန်းမာပါစေ #အင်ပြင်ထ #ChronicUrticaria #နာတာရှည်အင်ပြင်ထ #Hives #SkinCare - @yethwyn1985