@viewer_1221: ​በሰው ልጅ ሕይወት ውስጥ ትልቁ ድካም ሰውን ለመረዳት፣ ሰውን ለማስደሰትና በሰው ልብ ውስጥ ቦታ ፍለጋ የሚደረገው መንከራተት ነው። አንዳንዴ ነፍሳችን በሰው ወሬ፣ በሰው ግምገማና በሰው ጥላቻ ትዝላለች። በሰው ሐሳብ ማዕበል ውስጥ ስንዋዥቅ የገዛ ማንነታችንን የረጋ ውሃ እናደፈርሳለን። ዛሬ ግን ከዚህ ሁሉ ድካም ዐርፌ፣ ቆም ብዬ ለራሴ እንዲህ አልኩት "በቃኝ የሰው ነገር!" ​የሰው ነገር እንደ ባህር አሸዋ ነው፤ ብዛት እንጂ ፍሬ የለውም። ሰውን ለማስደሰት ራስን መካድ፣ ለሰው ክብር ሲሉ ራስን ማዋረድ፣ አልፎም የሰውን ጭንብል እውነት አድርጎ መቀበል ነፍስን የሚያከሳ የሕሊና በሽታ ነው። "ሰው ምን ይለኛል?" በሚል ሰንሰለት የታሰረ ሕይወት፣ የራሱ ዜማ የሌለው ባዶ ቤት ነው። ዛሬ በውዳሴ የሚያነግሥህ አንደበት፣ ነገ በትንሽ ምክንያት ሊረግምህ ይችላል። ዛሬ በአድናቆት የሚከተልህ ጥላ፣ ፀሐይ ስትጠልቅ ቀድሞህ ይሸሻል። ታዲያ በማይረጋ የሰው ሐሳብ ላይ ሕልምን መገንባት ምን ትርጉም አለው? ​የሰው ነገር በቃኝ ስል፣ ሰውን መጥላት ወይም መራቅ ማለቴ አይደለም። ይልቁንም ለሰዎች የምሰጠውን ከልክ ያለፈ ቦታ ቀንሼ፣ ለራሴ ሰላም ቅድሚያ መስጠት ጀመርኩ እንጂ። የሰውን ትችት እንደ ንፋስ፣ ውዳሴውን ደግሞ እንደ ጭጋግ ማየት ስጀምር የውስጥ ነፃነቴ ተመለሰልኝ። ስለ እኔ የፈለጉትን ቢያስቡ፣ የፈለጉትን ቢናገሩ፣ እውነታው ያለው በእኔና በፈጣሪዬ እጅ እንጂ በሰዎች ምላስ ላይ አይደለም። የሰው ነገር ባርያ ከመሆን፣ በራስ እውነት ውስጥ ነፃ መውጣት እጅግ ይበልጣል። ​ስለዚህ ወዳጆቸ አንተም/አንቺም ለራስህ/ሽ እንዲህ በል/በይ፦ "በቃኝ የሰው ነገር!" ጊዜህን/ሽን በሰዎች ወሬ አታባክን/ኚ፤ ሕሊናህን/ሽን በሰው ጥላቻ አታቆሽሽ/ሺ። ይልቁንም በራስህ/ሽ ዕድገት ላይ ትኩረት አድርግ/ጊ። ሰዎች ድክመትህን/ሽን ሊቆጥሩ ሲተጉ፣ አንተ/አንቺ ጥንካሬህን/ሽን ገንባ/ቢ። በመጨረሻም የሚተርፈው ሰዎች ስለ አንተ/አንቺ የተናገሩት ሳይሆን፣ አንተ/አንቺ ለራስህ/ሽና ለዓለም ያበረከትከው/ሽው በጎ ተግባር ብቻ ነው። በቃኝ የሰው ነገር፤ ይብቃኝ የከንቱ ሩጫ! ​ለተጨማሪ ነፃነትን የሚያላብሱ የሕይወት ዕይታዎች Follow፣ Like እና Share በማድረግ ቤተሰብ ይሁኑ! ​#foryou #fyp #fyppppppppppppppppppppppp #viralvideo #viral

የእኔ እይታ

Open In TikTok:

Region: SO

Saturday 16 May 2026 08:50:32 GMT