@israela.lama: စွဲလမ်းမှုများလာရင် လွှတ်ချကြည့်လိုက်ပါ အရမ်းသဘောကျမိတဲ့ စာသားလေးတစ်ခု ရှိတယ်။ " မင်းတစ်ခုခုကို အရမ်းစွဲလမ်းနေတဲ့အခါ လက်လွှတ်ကြည့်လိုက်ပါ".....တဲ့။ ဖတ်ခါစတုန်းကတော့ ကျွန်တော်က နားမလည်နိုင်ဘူးဖြစ်နေတယ်။ စွဲလမ်းတယ်ဆိုတာ တန်ဖိုးထားတာပဲလေ။ ဘာလို့ လက်လွှတ်ရမှာလဲပေါ့။ ​ေ.သ​ေ.သချာချာ အချိန်ယူပြီး စဉ်းစားကြည့်လိုက်တော့ အဓိပ္ပါယ်ကို ခပ်ရေးရေးလေး တွေ့လာရတယ်။ ဟုတ်ပါတယ်။ စွဲလမ်းမှုဆိုတာ အချိန်ကြာလာရင် အတင်းအကြပ် ဖြစ်လာတတ်တယ်။ သင့်ကိုယ်သင် ပြန်မေးကြည့်ပါ။ မင်းဆုပ်ကိုင်ထားလို့ သူကမင်းလက်ထဲမှာ ရှိနေတာလား (ဒါမှမဟုတ်) သူကိုယ်တိုင်က မင်းလက်ထဲမှာ ရှိချင်လို့လားဆိုတာ ခွဲခြားနိုင်ဖို့ လိုတယ်။ အဲ့ဒါကို ဘယ်လို သိနိုင်မလဲဆိုရင် မင်း လက်ကို ဖြန့်လိုက်ပါ။ တကယ်လို့ အဲ့ဒီအရာက မင်းနဲ့ ထိုက်တန်တယ် မင်းကို လိုအပ်တယ်ဆိုရင် လက်လွှတ်လိုက်ပေမယ့်လည်း မင်းနားက ထွက်သွားမှာ မဟုတ်ဘူး။ ဒါပေမယ့် မင်းက အတင်းဆုပ်ကိုင်ထားမှသာ မြဲနေတာမျိုးဆိုရင်တော့ အဲ့ဒါ မင်းကို ပင်ပန်းစေမယ့် အရာတစ်ခုပဲ။ ဒါဆိုရင် လက်လွှတ်လိုက်တာက ပိုပြီး ခိုင်မြဲစေတယ်လို့ ပြောချင်တာလား....? မဟုတ်ဘူး လက်လွှတ်လိုက်ခြင်းက အမှန်တရားကို မြင်ရစေတာ။ တင်းကြပ်အောင် ဆုပ်ကိုင်ထားလို့ တည်မြဲနေတဲ့အရာထက် လွတ်လပ်ခွင့် ပေးထားလျက်နဲ့ မင်းနားမှာ ရှိနေတဲ့အရာကမှ ပိုပြီး တန်ဖိုးရှိတာလေ။ မင်းကို တန်ဖိုးထားတဲ့ အရာဆိုရင် မင်းက လက်လွှတ်လိုက်လည်း သူက ထွက်သွားမှာ မဟုတ်ဘူး။ တခါတလေမှာ ကျွန်တော်တို့ဟာ ကိုယ်ဖြစ်ချင်တာတွေကိုပဲ အတင်းအကြပ် ဆုပ်ကိုင်ထားရင်းနဲ့ တဖက်လူရဲ့ ဆန္ဒ (ဒါမှမဟုတ်) အခြေအနေမှန်ကို မျက်ကွယ်ပြုမိနေတတ်ကြတာပဲ။ ကိုယ့်ကို တကယ်လိုအပ်တဲ့အရာ ကိုယ်နဲ့ တကယ်ထိုက်တန်တဲ့အရာဆိုရင် ဘယ်လို အခြေအနေမျိုးမှာမဆို ကိုယ့်နားမှာ ရှိနေမှာပါ။ အတင်းအကြပ် ဆုပ်ကိုင်ထားရမှ မြဲနေမယ့် အရာမျိုးဆိုရင်တော့ ကိုယ့်အတွက်ရော သူ့အတွက်ပါ နှစ်ဖက်စလုံးရဲ့ စိတ်အေးချမ်းမှုအတွက် လက်လွှတ်လိုက်တာကသာ အကောင်းဆုံး ဆုံးဖြတ်ချက် ဖြစ်ပါလိမ့်မယ်။ ဘယ်အရာကို စိုးရိမ်စိတ်နဲ့ အရမ်းကြီး ဆုပ်ကိုင် မထားပါနဲ့။ ဒါက သင့်အတွက် အဖြေမှန် မဟုတ်ပါဘူး။ လွှတ်ချကြည့်လိုက်ပါ.....။ #crd

ISRAELA LAMA

Open In TikTok:

Region: MM

Saturday 16 May 2026 13:10:31 GMT