@interpress.ge: 🔴Marneulidə təhlükəli anlar kameraya düşdü🔴 Ceyhun Məhəmmədəli Marneulidə məktəblilərin həyati təhlükə ilə üzləşdiyini bildirib Jurnalist Ceyhun Məhəmmədəli Marneulidə məktəblilərin yol keçərkən təhlükəli vəziyyətlə üzləşdiyini bildirib və yerli hakimiyyəti tədbir görməyə çağırıb. InterPress.ge xəbər verir ki, Ceyhun Məhəmmədəli bununla bağlı sosial şəbəkədə paylaşım edib. O qeyd edib ki, sözügedən ərazidə piyadalar, xüsusilə məktəb uşaqları üçün ciddi təhlükə mövcuddur və artıq həmin hissədə svetofor və ya piyada keçidinin yaradılması zəruridir. Jurnalist paylaşımında məktəbli uşaqların yolu necə keçdiyini və bu zaman necə təhlükəli vəziyyət yarandığını əks etdirən real videogörüntüləri də yayımlayıb. “Marneulidə bu hissədə piyadalar üçün dəfələrlə ciddi təhlükə yaranıb və artıq vaxtdır ki, burada ya svetofor, ya da piyadalar üçün zolaq çəkilsin. Biri ölmədən bələdiyyə hərəkətə keçməməlidir?”, – deyə jurnalist yazıb. Onun sözlərinə görə, hadisə ötən gün baş verib. Belə ki, yüksək sürətlə hərəkət edən yük maşını az qala uşaqları vuracaqdı. Ceyhun Məhəmmədəli bildirib ki, həmin ərazinin yaxınlığında məktəb yerləşir və insanlar yolu məhz bu hissədən keçməyə məcbur qalırlar. “Niyə lazımi tədbirlər görülmür?” – deyə o paylaşımında vurğulayıb.

InterPress.ge✔️

Open In TikTok:

Region: GE

Saturday 16 May 2026 13:55:12 GMT