@sahand_ozery: یەکێک لە دەقە (عیرف)انیەکان دەڵێ: عەشقی نێوان دووکەس بەعەمەل نایەت، هەتا یەکێکیان بەوەیکەیان نەڵێ "ئەی خۆم" ئەم دێرە ڕێک ئەو چیرۆکەی ناو کتێبی گوڵستانی عاریفانی کاکە زامدار قادری بیرخستمەوە، کە دەڵێ:- ڕۆژێک پیاوێک چوو بۆ لای مەعشوقەکەی لە دەرگەی دا، مەعشوق لەو دیو دەرگەوە پرسی، کێیە؟ -عاشق وتی:- منم • مەعشوق وتی:- لێرە شوێنێکمان بۆ کەسی پێ نەگەیشتوو و تێ نەگەیشتوو نییە، کە هێشتا منێتی خۆی بەسەریدا زاڵبێ، بۆیە پێویستە لە ئاگری جودای بسوتێیت تا ئەو منێتیەت پاڵفتە بێت و لە دوو ڕووی دابڕێیت، ئێستا تۆ ئامادەی عیشق نیت. عاشقی داماو بەسەرگەردانیەوە چوو ساڵێکی ڕەبەقی پێچوو. لەوماوەیەدا ئاگری فیراق و دووری یار هەناوی هەڵقرچاندبوو، دووای ئەو ماوەیە کە گەڕایەوە بەخەوف و ئەدەبەوە لە دەرگەی دا، زۆر بە ئاگاداری خۆی گورجکرد نەکا دووبارە هەڵەیەک ڕووبدات و یار لێی بڕەنجێ. • مەعشوق وتی:- کێیە؟ • عاشق وتی:- هیچ کەس نییە، تەنها تۆی خودی خۆت لە دەرگە دەدات. • مەعشوق کاتی ئەم قسانەی بیست دەرگەی کردەوەو وتی:- ئێستا کە هەردووکمان بووینەتە یەک کەس ئیدی کاتی ئەوەیە بێیتە ژوورەوە، ئێستا هەر یەک من لە ئارادایه چونکە لە قانونی عیشقدا دوو من جێگەی نابێتەوە #suly #kurdistan #fyp #foryourpage #explore