@khin_16_4_2001: ပဲကောက်ညှင်းပေါင်းဆိုတာ ကိုယ်တိုင်မလုပ်တတ်ခင်အချိန်မှာသာ ခက်ခဲလိမ့်မယ်လို့ ထင်ရပေမဲ့ တကယ်တမ်း လက်တွေ့လုပ်ကြည့်ရင်တော့ ပုံမှန်ထမင်းချက်ရတာထက်တောင် ပိုပြီးလွယ်ကူတာကို တွေ့ရှိရပါလိမ့်မယ်။ အလုပ်ရှုပ်လည်းသက်သာ၊ ငွေကုန်ကြေးကျလည်း သက်သာစေမယ့်အပြင် တစ်မိသားစုလုံး ဗိုက်ဝဝလင်လင် စားသုံးနိုင်မယ့် "ထမင်းပေါင်းအိုးသုံး ပဲကောက်ညှင်းပေါင်း" အလွယ်ချက်နည်းလေးကို အသေးစိတ် ဝေမျှပေးလိုက်ပါတယ်ရှင်။ ✨ လိုအပ်သော ပါဝင်ပစ္စည်းများ • ကောက်ညှင်းဆန်- ၅ ဆ (ဥပမာအားဖြင့် မိမိတိုင်းတာသည့်ခွက်ဖြင့် ၅ ခွက်ခန့်) • ပဲလွန်းအမည်း- ၁ ဆ (ဥပမာအားဖြင့် ၁ ခွက်ခန့် - ပြည်ပမှာနေထိုင်သူတွေဆိုရင်တော့ "Red Black-eyed Peas" လို့ မေးမြန်းဝယ်ယူနိုင်ပါတယ်ရှင်) • နှမ်းဖြူ (သို့မဟုတ်) နှမ်းမည်း- မိမိနှစ်သက်သလောက် ပမာဏ (လှော်ပြီးသား ဖြစ်ရပါမယ်ရှင်) • ဆား- အနည်းငယ်ခန့် (အရသာအတွက်) • အုန်းသီး- အမျှင်ခြစ်ပြီးသား အနည်းငယ် 👩‍🍳 ပြုလုပ်ပုံ အဆင့်ဆင့် ၁။ နှမ်းထောင်း ပြင်ဆင်ခြင်း နှမ်းမွှေးမွှေးလေးရဖို့ နှမ်းကို မထောင်းခင် မီးအေးအေးနဲ့ အနံ့စမွှေးလာသည်အထိ လှော်ပေးပါ၊ ဆားကိုပါ တစ်ခါတည်း ထည့်လှော်နိုင်ပါတယ်ရှင်။ နှမ်းလေးတွေ ပူပြီး မွှေးလာတာနဲ့ မီးပိတ်ပြီး ညက်နေအောင် ထောင်းပေးပါ (အရောင်ရဲသွားရင် ခါးတတ်လို့ အရောင်မပြောင်းခင် မီးပိတ်ဖို့ သတိထားပါနော်)။ ၂။ ပဲနှင့် ဆန်ကို ရေစိမ်ခြင်း ဒါက အဓိကသော့ချက်ဖြစ်ပြီး ပဲလွန်းကို အနည်းဆုံး (၁၀) နာရီခန့် ကြိုစိမ်ထားရပါမယ် (မနက်ပေါင်းမည်ဆိုပါက ညကတည်းက စိမ်ပါရှင်)။ ကောက်ညှင်းဆန်ကိုတော့ ထမင်းပေါင်းအိုးနဲ့ ပေါင်းမှာမို့ (၆) နာရီလောက် ကြိုစိမ်ထားရင် လုံလောက်ပါတယ်ရှင်။ ၃။ ပေါင်းအိုးထဲ ထည့်သွင်းခြင်း ရေစိမ်ထားတဲ့ ပဲနဲ့ ကောက်ညှင်းဆန်ကို ရေ (၂) ခေါက်လောက် ပြန်ဆေးပြီး ထမင်းပေါင်းအိုးထဲ ရောထည့်ပါ၊ ပြီးရင် အရသာအတွက် ဆားလေး အနည်းငယ် ခတ်ပေးပါရှင်။ ၄။ ရေချိန်ညှိခြင်း ရေကို အများကြီး ထည့်စရာမလိုဘဲ ပဲနဲ့ ဆန်တွေ "မြုပ်ရုံလေး" ပဲ ထည့်ပေးရပါမယ် (ပဲမပါဘဲ ကောက်ညှင်းချည်းပဲဆိုရင် ရေကို ပုံမှန်ထက် ပိုလျှော့ထည့်ပါရှင်)။ ပြီးနောက် ထမင်းချက်သလိုပဲ ခလုတ်နှိပ်ထားလိုက်ရုံပါပဲ။ ၅။ အပေါ်အောက် လှန်ပေးခြင်း (လျှို့ဝှက်ချက်) ခလုတ်တက်ခါနီး (၁၅) မိနစ်လောက်အလိုမှာ အဖုံးဖွင့်ပြီး ပဲနဲ့ ဆန် အနှံ့ဖြစ်သွားအောင် အပေါ်အောက် အသာလေး မွှေပေးပါရှင်။ အကယ်၍ မုန့်သား မာဆတ်ဆတ်ဖြစ်နေရင် ရေလေးနည်းနည်း ဖျန်းပြီး မွှေပေးနိုင်ပါတယ်၊ ပြီးမှ ခလုတ်တက်တဲ့အထိ ဆက်နှပ်ထားပါရှင်။ 💡 အုန်းနို့ကောက်ညှင်းပေါင်း လုပ်ချင်သူများအတွက်- ပဲအစား အုန်းနို့နဲ့ လုပ်ချင်ရင် ရေကို အစကတည်းက လျှော့ထည့်ပါ။ ကျက်ခါနီး (၁၅) မိနစ်အလိုမှာ အုန်းနို့နဲ့ သကြားကို စိတ်ကြိုက်ထည့်၊ သမအောင်မွှေပြီး ဆက်နှပ်ထားလိုက်ရင် ဆိမ့်အိနေတဲ့ အုန်းနို့ကောက်ညှင်းပေါင်းလေး ရမှာပါရှင်။ ခလုတ်တက်လာတဲ့အခါမှာတော့ နူးအိပြီး ကော့စင်းနေတဲ့ ပဲကောက်ညှင်းပေါင်း ပူပူလေးကို ရရှိပါပြီရှင်။ စားခါနီးမှ အပေါ်ကနေ နှမ်းထောင်းမွှေးမွှေးလေးရယ်၊ အုန်းသီးအမျှင်လေးတွေရယ် ဖြူးပြီး အိမ်မှာရှိတဲ့ ငါးခြောက်ကြော် (သို့မဟုတ်) အကြော်စုံလေးနဲ့ တွဲစားရင် ဆိုင်ကထက်တောင် ပိုပြီး စိတ်ကျေနပ်စရာကောင်းတဲ့ မနက်ခင်းလေး ဖြစ်သွားမှာ အ6သအချာပါပဲရှင်။ ဒီနည်းလမ်းလေးအတိုင်း စမ်းလုပ်ကြည့်ဖို့ Save ထားပြီး၊ သူငယ်ချင်းတွေပါ သိရအောင် Share ပေးပါဦးရှင်။ ဒီလိုဟင်းချက်နည်းလမ်းကောင်းတွေ အမြဲဖတ်ရဖို့ Page ကိုလည်း Follow လုပ်ထားပေးပါနော်။ 🥰✨🧤 #baganmyay #ပဲကောက်ညှင်းပေါင်း #မနက်စာ #ထမင်းပေါင်းအိုးသုံးနည်း

🌼 KHIN 🌼

Open In TikTok:

Region: MM

Sunday 17 May 2026 12:39:33 GMT