@alyyyy14: مجھے معلوم تھا میں تمہارے بعد سنبھل نہیں پاؤں گی، اس لیے تمہاری منتیں کرتی تھی کہ مت کرو ایسا… مت چھوڑو مجھے اِس طرح، مت توڑو مجھے اِس شدت سے، کیونکہ میں اُن لوگوں میں سے نہیں تھی جو محبت کے بعد فوراً معمول پر آ جاتے ہیں۔ میں نے تمہیں دل سے نہیں، اپنی روح سے چاہا تھا۔ تم میرے لیے صرف ایک شخص نہیں تھے، میری عادت، میری دعا، میرا سکون، میری پوری دنیا تھے۔ اسی لیے جب تم بدلنے لگے تھے تو میں ہر رات خوف میں جیتی تھی۔ مجھے معلوم تھا تمہارا بچھڑنا صرف ایک شخص کا بچھڑنا نہیں ہوگا، وہ میرے اندر بہت کچھ مار دے گا۔ میں نے اپنی انا تک تمہارے قدموں میں رکھ دی تھی، صرف اِس لیے کہ کسی طرح یہ رشتہ بچ جائے۔ میں نے روتے ہوئے دعائیں مانگیں، خاموش رہ کر اذیتیں سہیں، خود کو ہر بار غلط ثابت کیا صرف تمہیں کھونے کے ڈر سے۔ مگر تم نے شاید کبھی محسوس ہی نہیں کیا کہ ایک لڑکی جب منتیں کرنے لگے نا، تو وہ محبت کی آخری حد پر کھڑی ہوتی ہے۔ اور پھر ہم الگ ہو گئے… اُس سب کے بعد بھی بچھڑ گئے۔ اب حال یہ ہے کہ میں سنبھل تو رہی ہوں مگر پہلے جیسی کبھی نہیں ہو پاؤں گی۔ تم نے جاتے جاتے میرے اندر کی وہ لڑکی بھی ساتھ لے لی جو محبت پر یقین کیا کرتی تھی۔ 💔😭

علیزے

Open In TikTok:

Region: PK

Sunday 17 May 2026 15:04:43 GMT