@ba7re.1: ​من تۆم خستە قووڵترین و تاریکترین و دوورترین لای دڵمەوە لەو شوێنەی کە دەستی هیچ کەسێکی پێناگات و هیچ کەسێک ناتوانێت لێم بپرسێت بۆچی هێشتا لەوێیت و بۆچی نایەیتە دەرەوە نە ناچاریی ڕۆژگار بوو نە مەجبوریی بەخت و نە هیچ هێزێک لەم جیهانەدا هەبوو کە بتوانێت من ناچار بکات پێش چاوەکانم و پێش خەیاڵم و پێش هەموو هەناسەیەکم ناوی تۆ بێنم و ناوی تۆ ببێتە وێردی سەر زمانم هیچ یاسایەک نەبوو کە ناچارم بکات لەگەڵ هەڵاتنی خۆری هەر بەیانییەکدا کاتێک تیشکی یەکەمی ڕووناکی لە پەنجەرەکەمەوە دێتە ژوورەوە یەکەمین خەیاڵ و کۆتابیرکردنەوەم و برینم و دەرمانم هەر تۆ بیت بەڵام دڵم بە ویستی خۆی و بە عەشقێکی بێ مەرج و بە وەفایەکی بێ کۆتایی ئەم تاقیکردنەوە سەختەی هەڵبژارد من ناچار نەبووم لەبەرامبەر ساردیی ڕەفتارەکانت و کڕێوەی بێدەنگیت و بێباکیی ڕوانینەکانت و ئەو فەرامۆشکردنە بەردەوامەی پێشکەشم دەکەیت چۆک دابدەم و ڕازی ببم و بێدەنگ ببم دەمتوانی وەک هەر ڕێبوارێکی ئاسایی بڕۆم و پشتت تێبکەم و ئاوڕ لە دواوە نەدەمەوە و بڵێم ئەوە کۆتاییە دەمتوانی منیش وەک تۆ فێری ساردی ببم و چاوەکانم دابخەم و وەک بێگانەیەک تەماشات بکەم بەڵام کاتێک تەماشای ناخی خۆم دەکرد لە ئاستی پێداگریی ئەم دڵە شێتە و ئەو ئومێدە گەورە و بێپایان و بێسنوورەی بۆ تۆ و بۆ داهاتوویەک لەگەڵ تۆدا هەبوو دەستەپاچە دەبووم و هیچ چەکێکم بەدەستەوە نەدەما و لەو کاتانەدا هیچم پێ نەدەکرا و تەنها بێدەنگیم هەڵدەبژارد چونکە هەمیشە هیوایەکی بچووک لە ناخمدا وەک مۆمێکی نیوەمردوو لەناو زریاندا دەلەرزی و دەیوت بەرگە بگرە دڵنیابە سبەی دەگۆڕێت و گەرمی دەگەڕێتەوە و چاوەکانی گەرمی پێ دەبەخشنەوە من ئەو قوربانییەم دا کە هیچ مرۆڤێک ئامادە نەبوو بیدات و هیچ دڵێک توانای کێشانی نەبوو خۆم گێل دەکرد لەو ڕاستییە تاڵەی کە دەتویست پێم بڵێیت و لەو فەرامۆشکردنەی کە هەموو ساتێک نیشانت دەدام چونکە ڕاستییەکە ئەوەندە ئازاربەخش بوو کە دڵم توانای قبوڵکردنی نەبوو و دەترسا لەوەی بتدۆڕێنێت تێنەگەشتم کە چۆن مرۆڤێک دەتوانێت ئەوەندە سارد بێت بەرامبەر بە کەسێک کە جیهانی خۆی بەجێهێشتووە تا تەنها لە چوارچێوەی دڵی تۆدا بژی و هەناسە بدات من تەواوی خۆم و کاتەکانم و خەونەکانم و هیواکانم فیدای چرکەساتێکی بینینی تۆ یان نامەیەکی کورتی تۆ دەکرد لە کاتێکدا تۆ تەنانەت ئامادە نەبوویت بۆ یەک جاریش لە ناخی خۆت بپرسیت ئەم کەسە چۆن لەناو ئەم هەموو پشتگوێخستنەدا هێشتاماوەتەوە و ناڕوخێت و چۆن هێشتا دەتوانێت بەو شێوەیە خۆشی بوێم دڵسۆزیی من بۆ تۆ بووە کۆت و زنجیرێک لە دەست و پێی خۆم و بووە قەفەسێک کە کلیلەکەم دایە دەستی تۆ و تۆش بێباکانە فڕێتدایتە ناو دەریایەکی قووڵەوە و جێتهێشتم بەتەنها ئێستا نە ڕێگای گەڕانەوەم هەیە بۆ لای خۆی پێشووم و بۆ ئەو ژیانەی پێش بینینی تۆ هەمبوو و نە ڕێگایەک هەیە کە بگەم بەو دڵە بەردینەی تۆ کە دیوارێکی بەرزی لێ دروست کردووم ئێستاش کە ڕێگاکانمان تەمومژاویی بوون و مەودای نێوانمان لە مەودای زەوی و ئاسمان دەچێت دڵم هەر لای ئەو ئومێدە کۆنە دەمێنێتەوە وەک یادگارییەکی پیرۆز کە ناتوانم دەستبەرداری بم و ناتوانم فڕێی بدەم تەنانەت ئەگەر ئەم ڕێگایە بە تەواوی چۆڵ بێت و هیچ شتێک لە کۆتاییدا چاوەڕێم نەکات من هەر لێرە دەمێنمەوە و چاوەڕێت دەکەم چونکە لە پێناو تۆدا هەموو ساردییەکانی ئەم جیهانە ڕەقەم پێ قبوڵ کرا و ئەوە گەورەترین بەڵگەیە کە من لە سەرووی توانای خۆمەوە خۆشم ویستوویت و من ئامادەبووم بۆ تۆ سەد ملیار جار خۆم فەرامۆش بکەم و تەنها تۆ ببینم و شەوانە بەدیار نائومێدییەکانمەوە ئەستێرەکان بژێرم و تەنانەت بۆ یەک جاریش بە بیرت نەیەت کە کەسێک شەوانە لە بۆشایی بێدەنگیتدا دەگریت و بۆ ساردبوونی هەناسەکانت تەنیاترین مرۆڤی ئەم شارە دادەنیشێت و سەیری ئاسمان دەکات من ناچار نەبووم چاوەکانم بنووقێنم کاتێک تۆ بە بێباکی وشەکانت فڕێدەدایە ناو ڕوخسارم و دڵمت دەشکاند من ناچار نەبووم هەموو خەتایەک بخەمە ئەستۆی خۆم تەنها بۆ ئەوەی تۆ توڕە نەبیت و بۆ ئەوەی لێم دوور نەکەویتەوە و من تەنها دەمهەویست ئەو ئومێدە بپارێزم کە ناوم ناببوو داهاتوویەکی گەش و پڕ لە پێکەنین من هەموو ڕۆژێک لە خۆم دەپرسی بۆچی شۆڕشی عەشقی من نەبووە مۆمێک بۆ ڕووناککردنەوەی شەوەکانت و بۆچی نەتتوانی ئەو هەموو میهرەبانییە ببینی بەڵام تێگەشتم کە تۆ خۆت حەزت بە تاریکی بوو تاریکییەک کەتێیدا من نەبینرێم و تەنها لە کاتی تەنیاییدا بیرم بکەیتەوە و کاتت بۆ هەبێت من ئێستا لە ناوەڕاستی ئەم هێڵە درێژە وەستاوم کە کۆتاییەکەی دیار نییە و تەنها هاواری بێدەنگی دڵم دەبیستم کە دەڵێت من فیدای کەسێک بووم کە تەنانەت سێبەری خۆشی پێ فرۆشتم لێرەوە تا کۆتایی جیهان و تا ئەو شوێنەی خاک و ئاسمان دەگەن بە یەک... #نەمویسط #ba7reeeeeeee #brokeennnnnnn

مـچـی،

Open In TikTok:

Region: IQ

Sunday 17 May 2026 18:19:33 GMT