@with_kazhwas: پیاوە نابیناکە ناوی جا هایشیا و هاوڕێ بێدەستەکەی ناوی جا وێنچی بوو ئەوان هاوڕێی منداڵیی یەکترن و لە گوندی یێلی لە ناوچەی جینگکسینگ (لە پارێزگای هێبێی لە وڵاتی چین دەژیان و جا وێنچی لە تەمەنی ٣ ساڵیدا بەهۆی بەرکەوتنی بە تەزووی کارەبای بەهێز، هەردوو دەستی لەدەستدا. و جا هایشیا لە ساڵی ٢٠٠٠ بەهۆی ڕووداوێکی کارکردن لە کارگەیەکدا چاوی ڕاستی لەدەستدا. چاوی چەپیشی لە زگماکەوە کێشەی هەبوو بۆیە بە تەواوی نابینا بوو. لە ساڵی ٢٠٠٢، هەر دووکیان بێکار بوون و باری داراییان زۆر خراپ بوو. حکومەتی ناوخۆیی زەوییەکی نێزیک ڕووبارێکی پێدان کە تەنها بەرد و لمی وشک بوو. ئەوان بڕیاریاندا ئەم زەوییە بکەنە دارستان بۆ ئەوەی هەم ژینگەی گوندەکەیان بپارێزن و هەمیش لە داهاتوودا سوودی لێ ببینن (لە سەرەتادا بۆ فرۆشتنی دارەکان بوو، بەڵام دواتر بڕیاریاندا دارستانەکە بپارێزن).

﮼کەژوەس

Open In TikTok:

Region: IQ

Sunday 17 May 2026 20:57:39 GMT