@v17._2: أباوع الـ صورتي الصغيرة وأبقى ساكتة شوي… مو لأن ما عندي كلام، بس لأن هاي البنية ما كانت تعرف شكد الحياة تغيّر الإنسان. كانت تضحك بعفوية، وتحب بدون خوف، وتزعل وتنسى بسرعة، وما تحمل بقلبها أي ثقل. كبرت بعدها سنة وراء سنة، وكل سنة أخذت شي مني… براءة، راحة، ناس، شعور، وحتى جزء من روحي القديمة. تعلمت إن مو كل الناس تبقى، وإن بعض الكلام يوجع حتى لو كان بسيط، وإن الإنسان مرات يبتسم بس حتى ما يشرح شبيه. هسه يمكن صرت أهدأ، أفهم أكثر، وأسكت أكثر، بس بداخلي بعدها نفس الطفلة، تريد أحد يطمنها ويگللها إن كلشي راح يصير بخير. الغريب إننا من نكبر، ما نشتاق لألعابنا ولا لأيام المدرسة بقد ما نشتاق لشعور الراحة… للفترة اللي جان قلبنا بيها خفيف، وما نعرف شنو يعني خوف، خيبة، أو فقدان. ويمكن أكثر شي يوجع… إن الطفلة اللي بالصورة كانت متحمسة تكبر بسرعة، وإحنا هسه نتمنى لو نرجع دقيقة وحده بس لهذيك الأيام.” #لنفسي #النجف #baghdad #basra #ما

﮼بناين

Open In TikTok:

Region: IQ

Monday 18 May 2026 00:42:04 GMT