@nirwa24: බුදුවරුන්ගේ දර්ශනයට අනුව නිවනට අදාල "බ්‍රහ්මචාරී ජීවිතය" යනු කුමක්ද ? "බ්‍රහ්මචාරී ජීවිතය" යන මාතෘකාව ස්පර්ශ වූ සැණින් සියලු දෙනා සිතන්නේ එය ලිංගිකත්වයෙන් තොරව ජීවත් වීම යන්නයි. බ්‍රහ්මචාරී ජීවිතයක් යනු කුමක්දැයි "මජ්ඣිම නිකාය තුළ මහා සාරෝපම සූත්‍රයේ" බුදුන් වහන්සේ විසින් පැහැදිලිව විග්‍රහකොට තිබේ. බොහෝ දෙනා මෙය පටලවා ගැනීමට හේතුව බ්‍රහ්මචාරී ජීවිතය සහ බඹසර සීලය පිළිබඳව අවබෝධයක් නොමැතිකමයි. විවාහ වනතෙක් තරුණ තරුණියන්ට බඹසර සීලය ආරක්ෂා කිරීමට හැකිනම් එය විශිෂ්ට බව බුදුවරු දේශනා කරයි. කෙනෙකු බඹසරව ජීවත්වනවා නම් එය ඔහුගේ හෝ ඇයගේ පෞද්ගලික කැමැත්තයි. බුදුවරු විසින් එය සියලු දෙනා කළ යුතුම යැයි අනිවාර්ය කොට නැත. උපතින්ම ශරීරය තුළ ටෙස්ටොස්ටෙරෝන් (testosterone), ඊස්ට්‍රජන් (estrogen) වැනි හෝර්මෝනවල සංයුතිය වැඩි කෙනෙක්ට බඹසර සීලය ආරක්ෂා කිරීම යනු ප්‍රායෝගික නොවන ක්‍රියාවකි. බලහත්කාරයෙන් එසේ කරන්නට ගිය විට අවසානයේ ඔහු හෝ ඇය මානසික රෝගියකු වී නතර වනු ඇත. බුදු දහම තුළ මිනිසාට උපරිම නිදහස ඇත. බුදුවරුන්ගේ දර්ශනය යනු ගෝත්‍රික දර්ශනයක් නොවේ. එය ඕනෑම දියුණු සමාජ මට්ටමකට පවා විවෘතය. නිවන් මාර්ගය තුළ මිනිසා තමාට සුදුසු ක්‍රමය තෝරා ගත යුතුය. විවාහක තරුණ ස්ත්‍රියක් හෝ පුරුෂයෙක් යම්කිසි පුද්ගලයෙකුගේ මග පෙන්වීමක් නිසා තම ජීවිතය තුළ බඹසර සීලය ආරක්ෂා කිරීමට පෙළඹෙනවා නම් එය පවුල් ජීවිතය වුවද දෙදරා යෑමට සෘජුවම බලපායි. දෘතාංගධාරීන් අතර අග තැන්පත් මහා කාශ්‍යප මහ රහතන් වහන්සේගේ ගිහි ජීවිතය පිළිබඳව සූත්‍රවල මෙසේ සඳහන් වෙයි. උන්වහන්සේගේ ගිහිකල භාර්යාව (භද්‍රාකාපිලානී) අතිශය රූමත් සුන්දර කාන්තාවකි. සූත්‍රවල සඳහන් ආකාරයට ඔවුන් දෙදෙනා මංගල දිනයේ රාත්‍රියේ පවා කායික සම්බන්ධතාවයක් පවත්වා නැත. එයට හේතුව සංසාරගත පාරමිතාවකි. මිනිසා තේරුම් ගත යුතු දේ නම් සියලු දෙනාටම මහා කාශ්‍යප මහ රහතන් වහන්සේ විය නොහැකි බවයි. බලහත්කාරයෙන් රකින සීලය නිසා ඇතම් විට සිත "උද්දච්ච කුක්කුච්චයට" පත්වෙයි. අවසානයේ එයම නිවනට හරස් වෙයි. යම්කිසි කෙනෙක්ට උපතින්ම ලිංගික ආශාවන් වලට බලපාන හෝර්මෝන අවම මට්ටමක පවතී නම් හෝ සංසාරගත පාරමිතාවක් තිබේ නම් ඔහුට හෝ ඇයට බඹසර සීලය රැකීම ප්‍රායෝගික වනු ඇත. දැඩිව සිල් ආරක්ෂා කළ භික්‍ෂුවක් ඔරුවකට ගොඩ වීමේදී ගසක අත්තක් තමා අතින් කැඩුන නිසා ඒ පිළිබඳව සිතමින් බොහෝ සේ පසුතැවී ඇත. උන්වහන්සේ මරණින් මතු පිඹුරු ප්‍රතිසන්ධියක් ලැබූ බවට සූත්‍රවල සඳහන් වෙයි. මහා සාරෝපම සූත්‍රය තුළ විග්‍රහ වන්නේ ගසක් තුල "නිවන" නමැති අරටුව සොයාගැනීම පිළිබඳවයි. සීලය පමණක් ආරක්ෂා කරමින් නිර්වාණ මාර්ගයේ ගමන් නොකරන පුද්ගලයා ගසේ පොත්තට අරටුව යැයි රැවටී ඇති බවට බුදුවරු විසින් උපමා කොට ඇත. සිල් රකින පුද්ගලයා අනිවාර්යයෙන්ම නිවන් මාර්ගයට ප්‍රවිෂ්ට විය යුතුමය. බුදුවරුන්ගේ දර්ශනයට අනුව "බ්‍රහ්මචාරී ජීවිතයක් යනු උසස් ලෙස ජීවත්වීම" යන අර්ථයයි. බ්‍රහ්මචර්යාව යනු ප්‍රඥා, සීල, සමාධි යන ත්‍රිශික්ෂාවට අනුව ජීවත් වීමයි. ආර්ය අෂ්ටාංගික මාර්ගය යනු ත්‍රිශික්ෂාවට අදාළ ක්‍රමවේදයකි. යම්කිසි පුද්ගලයෙකු ආර්ය අෂ්ටාංගික මාර්ගය අනුගමනය කරනවා නම් ඔහු හෝ ඇය "බ්‍රහ්මචර්යාවේ" හැසිරෙන කෙනෙකි. බ්‍රහ්මචර්යාව යනු ලිංගිකත්වයෙන් තොරව ජීවත්වීම යන ප්‍රාථමික අර්ථය නොවේ. බ්‍රහ්මචර්යාවේ අවසානය විය යුත්තේ චේතෝ විමුක්තියයි. බ්‍රහ්මචර්යාව යනු පුද්ගලයා තුළ ඇති සීලය පමණක් නොවන බව බුදුන් වහන්සේ විසින් පැහැදිලිව මෙම සූත්‍රය තුළ විග්‍රහ කොට ඇත. "මහා සාරෝපම" සූත්‍රයට අනුව "නිවන" නමැති අරටුව සොයා යෑමේදී සමාධිය යනු අත්‍යවශ්‍ය දෙයකි. නමුත් මිනිසා සමාධිය තුළ පමණක් සිරවී සිටිමින් ඉදිරියට ගමන් නොකරයි නම් අරටුව යැයි ගහේ සිවියට (පොත්ත සහ ඵලය අතර) රැවටී ඇති බව උපමාවකින් විස්තර කරයි. ඇතැම් පුද්ගලයින් සමථ භාවනාවක් තුළින් යම්කිසි සමාධියක් ළඟා කරගත් පසු එය නිවන යැයි මුලාවකට පත්වෙයි. ඇතැම් විට ධ්‍යානයට වශීකෘත වී ධ්‍යානය තුළම ඇලී ගැලී වාසය කිරීමට ප්‍රියතාවයක් දක්වයි. එවිට නිවන නමැති අරටුව සොයා යා නොහැක. එවැනි තත්ත්වයක සිටින සියලුම දෙනා ගසේ සිවියට අරටුව යැයි රැවටී ඇති බවට බුදුවරු උපමා කරන්නේ ඒ නිසාවෙනි. නිර්වානය නමැති අරටුව සොයාගෙන යෑමේදී ඇතැම් පුද්ගලයින් තමා තුළ ඇති යථාභූත ඥාන දර්ශනයට සහ ප්‍රඥාවට රැවටෙන බව බුදුන් වහන්සේ විසින් උපමා කර ඇත. අත්තංගමය, ආදීනවය, ආශ්වාදය, නිස්සරණය යන යථාභූත ඥාන දර්ශනය මත පමණක් පදනම්ව සිටින ඉදිරියට නොයන පුද්ගලයා අරටුව යැයි ගහේ එලයට (එලය යනු අරටුවට මතුපිටින් ඇති දැව කොටස) රැවටී ඇති බව බුදුවරු විසින් උපමා කරයි. වර්තමානයේ බොහෝ භික්ෂූන් පවා එවැනි ස්වභාවයක් ගනියි. මුළු ත්‍රිපිටකයම කටපාඩම්ය. මිනිසාට දේශනා කරන්නේ දාර්ශනික අදහසය නුවනින් විමසා සසරින් එතෙර වෙමු බුදු සරණයි 🙏❤

nirwa24

Open In TikTok:

Region: LK

Monday 18 May 2026 10:12:57 GMT