@su.thet.khaing97: ဖိနပ်နဲ့ သူငယ်ချင်းဆိုတာ ဟောင်းလေ ပိုသက်သောင့်သက်သာ ရှိလေပဲ" တဲ့။ ရုပ်ရှင်ဇာတ်လမ်းတစ်ခုထဲက စာသားလေးပါ။ ဖိနပ်အသစ်လေးတစ်ရံဟာ ဘယ်လောက်လှလှ ကိုယ်စီးနေကျ ဖိနပ်လေးလောက် သက်သောင့်သက်သာ မဖြစ်ဘူးမဟုတ်လား။ စစစီးချင်းဆိုရင် ဖိနပ်က ပေါက်သေးတယ်။ ခြေထောက်မှာ ဒဏ်ရာကရသေးတယ်။ အဲဒီလိုပဲ ကိုယ်မသိတဲ့ လူအသစ်တွေနဲ့ ပေါင်းသင်းဆက်ဆံရတာကလည်း ဖိနပ်အသစ်စီးရသလိုပဲ ကိုယ့်အတွက် သိပ်ပြီး သက်သောင့်သက်သာ မဖြစ်ဘူး။ အဲ့ဒါကြောင့် တစ်ခါတလေမှာ သူငယ်ချင်းအသစ်တွေ ထပ်မလိုချင်ဘူး။ လူတစ်ယောက်နဲ့ တစ်ယောက်ကြား ယုံကြည်မှုတွေကို တည်ဆောက်ဖို့ရာ အချိန်တွေ အများကြီး ယူရတယ်။ မတူညီတဲ့ စိတ်ခံစားချက်တွေကို ညှိနှိုင်းယူရတယ်။ ကိုယ့်ရဲ့ အတိတ်ဇာတ်လမ်းတွေကို အစအဆုံး ပြန်ပြောပြရသလို အခြားလူတွေရဲ့ ဘဝဇာတ်လမ်းတွေကိုလည်း အစအဆုံး နားထောင်ရတယ်။ တစ်ခါတလေမှာ အချင်းချင်း ပွတ်မိတိုက်မိနဲ့ ဒဏ်ရာတွေ ရကြပြန်တယ်။ Introvert တစ်ယောက် ဖြစ်နေတာကြောင့်လည်း ပါမယ်ထင်တယ်။ ဆက်ဆံရေးအသစ်တွေ မလုပ်ချင်သလို လူအသစ်တွေနဲ့လည်း မသိချင်ဘူး။ အဲဒီအစား လူအဟောင်းတွေကို ပိုပြီး တန်းဖိုးထားမိတယ်။ ကိုယ့်ရဲ့ အကြောင်းကို အစအဆုံး သေချာနားလည်တဲ့သူတွေ၊ ဟန်ဆောင်အားတင်းပြစရာ မလိုဘဲ အရှိကို အရှိအတိုင်းနေလို့ရတဲ့ လူတွေအနားမှာပဲ ပိုပြီးနေဖြစ်တော့တယ်။ သူငယ်ချင်းဆိုတာလည်း အသစ်ဘယ်လောက်ကောင်းကောင်း အဟောင်းကို မမီဘူးမဟုတ်လား။ ဆယ်စုနှစ်တစ်ခုစာ ပေါင်းလာကြတဲ့ သူငယ်ချင်းဆက်ဆံရေးတွေရဲ့ နောက်ကွယ်မှာ တစ်ယောက်ကို တစ်ယောက် အပြန်အလှန် နားလည်ယုံကြည်မှုတွေ၊ ပွင့်လင်းမှုတွေ၊ သက်သောင့်သက်သာဖြစ်မှုတွေ အများကြီးပဲ။ အဓိကကတော့ ဆက်ဆံရေးတစ်ခုမှာ သက်သောင့်သက်သာဖြစ်ရဖို့က ကိုယ့်အတွက် အရေးအကြီးဆုံးပါပဲ။ ဒါကြောင့်မိုလို့ အသစ်မြင် အဟောင်းမေ့မဟုတ်ဘဲ အသစ်မြင်ရင် အဟောင်းကို ပိုလွမ်းပါတယ်။ #စူးရှမေcrd

1397

2026-05-19 02:26:35

2026-05-19 02:07:13

2026-05-24 13:52:57

To see more videos from user @su.thet.khaing97, please go to the Tikwm homepage.