@rtc1204: အိမ်ခြံမြေကွက်တွေမှာ မြေပြိုမှာစိုးလို့ပဲဖြစ်ဖြစ်၊ မြေအနိမ့်အမြင့် ကွာခြားချက်ကြောင့် မြေနေရာကို အကျိုးရှိရှိ အသုံးချချင်လို့ပဲဖြစ်ဖြစ် မြေထိန်းနံရံ (Retaining Wall) တွေက အလွန်အရေးကြီးပါတယ်။ စနစ်တကျ မဟုတ်ဘဲ ဆောက်လုပ်မိရင် နံရံပြိုကျတာ၊ တိမ်းစောင်းတာတွေ ဖြစ်တတ်လို့ အခြေခံအချက်အလက်လေးတွေကို မျှဝေပေးလိုက်ပါတယ်။ 📌 မြေထိန်းနံရံတစ်ခုမှာ ပါဝင်ရမယ့် အစိတ်အပိုင်းများ မြေထိန်းနံရံတစ်ခု ခိုင်ခံ့ဖို့ အဓိကအစိတ်အပိုင်း (၃) ခု ပေါင်းစပ်ဖွဲ့စည်းထားရပါမယ် - 1️⃣ Stem (နံရံကိုယ်ထည်) 2️⃣ Toe Slab (ခြေဖျားခြမ်း) 3️⃣ Heel Slab (ဖနောင့်ခြမ်း) (ဒီအစိတ်အပိုင်းတွေဟာ နံရံရဲ့ အခြေခံအုတ်မြစ် Foundation အဖြစ် တည်ငြိမ်အောင် လုပ်ဆောင်ပေးတာဖြစ်ပါတယ်။) 🏗️ လူသုံးအများဆုံး မြေထိန်းနံရံ အမျိုးအစားများ Gravity Wall: နံရံရဲ့ ကိုယ်ပိုင်အလေးချိန်နဲ့ မြေကြီးကို ပြန်ထိန်းထားတာဖြစ်ပြီး အများအားဖြင့် ကျောက်စီနံရံတွေမှာ အသုံးပြုကြပါတယ်။ Cantilever Wall: လူသုံးအအများဆုံး သံကူကွန်ကရစ်အမျိုးအစားဖြစ်ပြီး အမြင့် (၈) မီတာ (၂၅ ပေ) အထိ အသုံးပြုနိုင်ပါတယ်။ Counterfort Wall: အမြင့် (၇) မီတာထက် ကျော်တဲ့ နေရာကြီးတွေမှာ အသုံးပြုပြီး Stem နဲ့ Heel ကို ချိတ်ဆက်ပေးတဲ့ ဒေါင်လိုက်အထောက်အပံ့ (Webs) တွေ ပါဝင်ပါတယ်။ ⚠️ ဘာကြောင့် မြေထိန်းနံရံတွေ ပျက်စီးတတ်သလဲ? နံရံတွေ ပျက်စီးရတဲ့ အဓိကအကြောင်းရင်း (၃) ချက်ရှိပါတယ် - ❌ ၁။ တိမ်းစောင်းပြိုလဲခြင်း (Overturning): မြေကြီးရဲ့ ဘေးတိုက်တွန်းအားကြောင့် နံရံက ရှေ့ကို မှောက်ခုံ ပြိုကျခြင်း။ ❌ ၂။ လျှောတိုက်ရွေ့လျားခြင်း (Sliding): နံရံတစ်ခုလုံး ရှေ့ကို ကျွံထွက်သွားခြင်း (ဒါကို ကာကွယ်ဖို့ အောက်ခြေမှာ Shear Key ထည့်သွင်း တည်ဆောက်နိုင်ပါတယ်)။ ❌ ၃။ မြေသားခံနိုင်ရည်မရှိခြင်း (Bearing Pressure Failure): နံရံအောက်က မြေသားက အလေးချိန်ကို မခံနိုင်လို့ နိမ့်ဆင်းကျွံကျသွားခြင်း။ 💡 အင်ဂျင်နီယာတစ်ယောက်အနေနဲ့ အရေးကြီးတဲ့ အကြံပြုချက်များ ✅ ရေနုတ်ပေါက် (Weep Holes): นံရံနောက်မှာ ရေတွေ အောင်းပြီး ရေဖိအား (Hydrostatic Pressure) ကြောင့် နံရံပြိုကျမှု အများဆုံး ဖြစ်တတ်လို့ ရေနုတ်ပေါက်နဲ့ ရေနုတ်မြောင်းတွေ စနစ်တကျ ထည့်သွင်းရပါမယ်။ ✅ သံကူကွန်ကရစ် (Reinforcement): ကွန်ကရစ်ဟာ ဆွဲအား (Tension) ခံနိုင်ရည်နည်းတဲ့အတွက် မြေတွန်းအားဒဏ် ခံနိုင်ဖို့ သံချောင်းတွေကို စနစ်တကျ တွက်ချက်ထည့်သွင်းရပါမယ်။ ✅ ရေကာစနစ် (Waterproofing): မြေကြီးနဲ့ တိုက်ရိုက်ထိနေတဲ့ နံရံမျက်နှာပြင်ကို ရေစိုခံစနစ် (Bitumen Paint သုတ်ခြင်း) ပြုလုပ်ပေးသင့်ပါတယ်။ ခိုင်ခံ့ပြီး ရေရှည်စိတ်ချရတဲ့ မြေထိန်းနံရံတစ်ခု ဖြစ်စေဖို့ ကျွမ်းကျင်အင်ဂျင်နီယာတွေနဲ့ သေချာတိုင်ပင်ပြီး မြေကြီးအမျိုးအစားအလိုက် စနစ်တကျ တွက်ချက်တည်ဆောက်ကြဖို့ တိုက်တွန်းလိုက်ပါတယ်ခင်ဗျာ။ 👷‍♂️👷‍♀️ #RetainingWall #CivilEngineering #ConstructionTips #မြေထိန်းနံရံ #rtcဆောက်လုပ်ရေး

To see more videos from user @rtc1204, please go to the Tikwm homepage.