@tiekkz: Эстрадамыздың жарық жұлдызы Қыдырәлі Болман денсаулығына байланысты Алматыда өтуі тиіс концертінің шегерілгенін хабарлап, көрермендеріне жүрекжарды жазбасын арнады. Әншінің айтуынша, басында 3,5 мың адамдық аншлагты бұзбай, сахнаға мүгедектер арбасымен немесе креслода отырып шығу жоспарланған. Сонымен қатар, Республика сарайының алдағы 2-3 айға толық бос болмауы да шешім қабылдауды қиындатқан. Алайда, өмір бойы сахнада шапқылап үйренген өнер иесіне қозғалмай отырып ән салу өте ыңғайсыз тиген. Ең бастысы — дәрігерлер оның бұл қадамына үзілді-кесілді қарсылық білдірген. «Біз де темірден жаралған жоқпыз. Әрқашан намысты, ұятты алға тартамыз да, Алланың аманатқа берген денсаулығын бәрінен кейінге итере саламыз ғой... Ең басты себеп – дәрігерлерімнің рұқсат етпеуі», — деп ағынан жарылды өнер иесі. Дегенмен, Қыдырәлі Болман жанкүйерлерін көп күттірмейтінін жеткізді. Концерт тура бір айдан соң, 18 маусым күні — жұбайы Қарақат Әбілдинаның өнердегі 25 жылдығында өтетін болды. Әнші сол күні халық алдына «улучшенная версия» болып, екі аяғымен тік тұрып қызмет етуге уәде берді. Сүйікті әншімізге тезірек сауығып, сахна төріне жарқырап оралуын тілейміз! Жылы лебіздеріңізді пікірге қалдыра отырыңыздар 👇 #ҚыдырәліБолман #ҚарақатӘбілдина #Концерт #Алматы #РеспубликаСарайы

1049

2026-05-19 08:19:22

To see more videos from user @tiekkz, please go to the Tikwm homepage.