ဇနီးမယားတစ်ယောက်ရဲ့ အကြံဉာဏ်ပေးမှုကို တန်ဖိုးထားတတ်တဲ့ ခင်ပွန်းဆိုတာ မိန်းမစကားနားထောင်လို့ သူကိုယ်တိုင်မတွေးခေါ်တတ်လို့ မဟုတ်ပါဘူး… မိသားစုအတွက် မှန်ကန်တဲ့လမ်းကို ရွေးချယ်တတ်တဲ့သူပါ။ ဘဝမှာ အောင်မြင်တဲ့ယောကျာ်းတော်တော်များများရဲ့ နောက်ကွယ်မှာ နားလည်ပေးတတ်တဲ့ ဇနီးတစ်ယောက် အမြဲရှိနေတတ်ပါတယ်။ ဘာလို့လဲဆိုတော့ မိန်းမတစ်ယောက်ရဲ့အမြင်က တစ်ခါတလေ ယောကျာ်းတွေမမြင်နိုင်တဲ့အရာတွေကို မြင်ပေးနိုင်လို့ပါ။ ကိုယ်ချစ်တဲ့သူပြောတဲ့ စကားကို အလေးထားနားထောင်ပေးခြင်းဟာ အနိုင်ပေးလိုက်တာမဟုတ်ဘူး… တန်ဖိုးထားပေးလိုက်တာပါ။ ဇနီးရဲ့အကြံဉာဏ်ကို လေးစားတဲ့ခင်ပွန်းဟာ အိမ်ထောင်ရေးမှာလည်း နွေးထွေးတယ် စီးပွားရေးမှာလည်း တိုးတက်တယ် စိတ်ပိုင်းဆိုင်ရာမှာလည်း ငြိမ်းချမ်းပါတယ်။ ဘာဖြစ်လို့လဲဆိုတော့ သူ့ဘေးမှာ အမြဲသတိပေးမယ့်သူရှိတယ် အားပေးမယ့်သူရှိတယ် အမှားတွေကိုပြန်ထိန်းပေးမယ့်သူရှိတယ်။ တချို့ယောကျာ်းတွေကတော့ “မိန်းမစကားနားထောင်ရင် အုပ်ချုပ်ခံရတယ်” လို့ထင်တတ်ကြတယ်။ ဒါပေမယ့် တကယ်တမ်းမှာ မိန်းမစကား နားထောင်တတ်တဲ့သူက ပိုရင့်ကျက်တဲ့သူပါ။ အိမ်ထောင်ရေးဆိုတာ တစ်ယောက်တည်းဆုံးဖြတ်ပြီးသွားရတဲ့ဘဝမဟုတ်ဘူး။ နှစ်ယောက်တိုင်ပင်ပြီး နှစ်ယောက်သားနားလည်မူရှိမှသာ ရေရှည်တည်တံ့နိုင်တာပါ။ ဇနီးမယားရဲ့စကားကို အလေးမထားတဲ့ခင်ပွန်းတွေဟာ နောက်ဆုံးမှာ အမှားတွေကိုပြန်ခံစားရတတ်တယ်။ ဘာလို့လဲဆိုတော့ ကိုယ့်အနားမှာ ကိုယ့်အတွက်စဉ်းစားပေးနေတဲ့သူကို တန်ဖိုးမထားခဲ့လို့ပါ။ တကယ်ချစ်တဲ့ခင်ပွန်းဆိုတာ ဇနီးကို ချစ်တယ်ဆိုတာနဲ့တင်မပြီးဘူး သူမရဲ့ခံစားချက် သူမရဲ့အမြင် သူမရဲ့အကြံဉာဏ်တွေကိုပါ တန်ဖိုးထားတတ်ရပါတယ်။ မိန်းမတစ်ယောက်ရဲ့စကားထဲမှာ အချစ်ရှိတယ် စိုးရိမ်မှုရှိတယ် မိသားစုကို ကာကွယ်ချင်တဲ့စိတ်ရှိတယ်။ ဒါကြောင့် ဇနီးကို လေးစားတတ်တဲ့ခင်ပွန်းဟာ ဘဝမှာလည်း ပိုအောင်မြင်တတ်ပြီး အိမ်ထောင်ရေးမှာလည်း ပိုပျော်ရွှင်ရပါတယ်။ #အချစ် #ခံစားချက် #အိမ်ထောင်ရေးသာယာဖို့ #foryou #fyp - @nan.su.mon275