ኤቫንጀሊስት ሬይንሃርድ ቦንኬ ሕይወትና የአገልግሎት ታሪክ የትውልድ ዘመን፦ 1940 – 2019 ዓ.ም የትውልድ ቦታ፦ ፓምሬኒያ፤ ጀርመን « የአፍሪካ ካርታ ምስል ላይ ከደብቡ አፍሪካ ኬፕታውን እስከ ካይሮ በክርስቶስ ደም ሲታጠብ አየሁ» ሬይንሃርድ ቦንኬ እ.ኤ.አ. ኤፕሪል 19 ቀን 1940 ዓ.ም. በጀርመን ሀገር፣ ፖምሬኒያ ግዛት ተወለደ። ከልጅነቱ ጀምሮ ቤተሰቡ ጠንካራ የፕሮቴስታንት እምነት ባለው ቤት ውስጥ ያደገ ሲሆን፣ አባቱ ፓስተር ነበሩ። ሬይንሃርድ ገና ከልጅነቱ ጀምሮ በልቡ ውስጥ ለወንጌል ሰባኪነት ጥሪ የነበረ ሲሆን፣ ይህ ጥሪ ከጊዜ ወደ ጊዜ እየጠነከረ ሄዷል። ቤተሰቡ ሁለተኛው የዓለም ጦርነት ካስከተለው ጥፋት ሸሽቶ ወደ ምዕራብ ጀርመን ሲሰደድ፣ ሬይንሃርድ ይህን ሁሉ ፈተና ሲያሳልፍ ጌታ ሕይወቱን ይዞ እንደሚሄድ ያምን ነበር። የአገልግሎት ጥሪ ሬይንሃርድ ቦንኬ አሥር ዓመት ሲሆነው ጌታ ልቡ ውስጥ ስለ አፍሪካ ሕዝቦች ልዩ ቅዱስ ፍቅር አፈሰሰበት። ያን ቀን ሕፃኑ ሬይንሃርድ «ጌታ ሆይ፣ አፍሪካን አሳየኝ» ብሎ ጸለየ፤ ያ ጸሎትም ሙሉ ሕይወቱን ቀይሮ አስቀረው። የመጽሐፍ ቅዱስ ትምህርት ለማግኘት ወደ እንግሊዝ በማቅናት ሪድሂልስ ባይብል ኮሌጅ ገባ። ትምህርቱን ከጨረሰ በኋላ፣ እ.ኤ.አ. በ1967 ዓ.ም. ከቤተሰቡ ጋር ወደ አፍሪካ አቀና። ወደ ሌሶቶ ሲደርስ ያገኘው እውነታ ፈታኝ ነበር፤ ትንንሽ ሰዎች ብቻ ሚታደሙባቸው ፕሮግራሞች ነበሩ ግን ቦንኬ ተስፋ አልቆረጠም — ምክንያቱም ጥሪው ከፍ ካለ ቦታ እንደሆነ ተረድቷልና። ለአፍሪካ የነበረው ራዕይ — « የአፍሪካ ካርታ ምስል ላይ ከደብቡ አፍሪካ ኬፕታውን እስከ ካይሮ በክርስቶስ ደም ሲታጠብ አየሁ» ሬይንሃርድ ቦንኬ ስለ አፍሪካ ግልጽ እና ሕያው ራዕይ ነበረው። «አፍሪካ ከኬፕታውን አስከ ካይሮ በክርሰወቶስ ደም በወንጌል ትታጠባለች» የሚለው ሐረግ የሕይወቱ መርህ ሆነ። ሰዎች ሲስቁበት፣ ሲቃወሙት እና ፈተና ሲያበዛበት እንኳ ቦንኬ ያን ራዕይ ፈጽሞ አልቀዘቀዘለትም። እ.ኤ.አ. በ1974 «ክሪስት ፎር ኦል ኔሽንስ» (Christ for all Nations — CfaN) የሚባለውን ወንጌላዊ ድርጅት መሠረተ። ዓላማው ቀላል ነበር፦ ምስራቹን ወንጌል ለሁሉም አፍሪካዊ ማድረስ። ቦንኬ ሰዎች ወደ ቤተ ክርስቲያን እስኪመጡ አልጠበቀም — ቤተ ክርስቲያንን ወደ ሰዎቹ ወሰደ። ትልልቅ ሜዳዎችን ፣ ስፖርት ቦታዎችን፣ ክፍት ሜዳዎችን ተጠቅሞ ሚሊዮኖችን ሰብስቦ ወንጌልን ሰበከ። ለቤተ ክርስቲያን ሥራ ሰፋፊ ድንኳን (Gospel Tent) ሠርቶ ወደ ሁሉም ክፍለ ዓለም ወሰደ። ያ ድንኳን 34,000 ሰዎችን ማስተናገድ ይችል ነበር — ዓለም ካየቻቸው ትልልቅ ጊዜያዊ አዳራሾች አንዱ። ወንጌልን ለዓለም ሁሉ ማብሰር ቦንኬ አፍሪካ ብቻ ሳይሆን ለዓለም ሁሉ ወንጌልን ሰበከ። ናይጄሪያ፣ ኬንያ፣ ጋና፣ ዚምባቡዌ፣ ኢትዮጵያ፣ ህንድ፣ ብራዚል እና ሌሎች ብዙ ሀገራትን ዞረ። ናይጄሪያዋ ላጎስ ከተማ ላይ ያካሄደው ስብሰባ ምናልባት በታሪክ ታላቁ የሃይማኖት ስብሰባ ሊሆን ይችላል — ለ6 ቀን ባካሄደው ስብሰባ ከ1.6 ሚሊዮን በላይ ሰዎች ተሳታፊ ሆኑ። ከዚያ ቀደም ባሉ ስብሰባዎቹ ደግሞ ወደ 3.4 ሚሊዮን ሰዎች ያሰባሰበ ሲሆን ይህ ዓለምን ያስደነቀ ቁጥር ነበር። ሬይንሃርድ ቦንኬ የሚሰብክበት ቦታ ሁሉ ተአምራት ይከተሉት ነበር። ዕውሮች ብርሃን አዩ፣ ሽባዎች ተነሱ፣ ሕሙማን ተፈወሱ — ብዙዎቹ ቁጥሮቹ ዓለምን ሲያስደምሙ ቦንኬ ግን ለኢየሱስ ክርስቶስ ክብርን ብቻ ይሰጥ ነበር። «የምሄደው ተአምር አደርጋለሁ ብዬ አይደለም፤ ወንጌልን ሰብካለሁ ብዬ እንጂ» ይል ነበር። እርሱ ወደ ሌሎች ሀገራት ሲሰብክ ሕዝቡ ወደ ቤተ ክርስቲያን ለመቀላቀል ዝግጁ ነበሩ፤ ስለዚህ ሁሉ ስብሰባዎቹ ከሀገሩ አብያተ ክርስቲያናት ጋር በቅርበት ይሠራ ነበር። የአገልግሎት ተጽእኖ ሕይወቱ ሙሉ በሙሉ ለወንጌል አገልግሎት የተሰጠ ሬይንሃርድ ቦንኬ ከ79 ሀገራት በላይ ወንጌልን ሰብኳል። ከ74 ሚሊዮን በላይ ሰዎች ወደ ኢየሱስ ክርስቶስ እንዲመጡ መንገድ ሆኗል — ይህ ቁጥር ዓለም ካስቆጠረቻቸው ታላላቅ ሃይማኖታዊ ፍሬዎች አንዱ ነው። «ክራይስት ፎር ኦል ኔሽንስ» ድርጅቱ ዛሬም ሕያው ሆኖ ሥራ እየሠራ ሲሆን ለሚቀጥለው ትውልድ ወንጌላዊያን ሥልጠና በመስጠት ብዙዎችን እያሰማራ ይገኛል። ሬይንሃርድ ቦንኬ ዲሴምበር 7 ቀን 2019 ዓ.ም. ከዚህ ዓለም በሞት ተለያይቷል። ሆኖም ሕይወቱ ትቶ ያለፈው ቅርስ ፈጽሞ አይጠፋም። ስሙ ለወደፊቱ ትውልዶች ሁሉ ምሳሌ ሆኖ ይኖራል — ሰው ለእግዚአብሔር ቃል ሙሉ በሙሉ ሲሰጥ ምን ሊሠራ እንደሚችል የሚያሳይ ሕያው ምስክር። አፍሪካ ብቻ ሳይሆን ዓለም ሁሉ ስለ ሬይንሃርድ ቦንኬ ሲናገር ይኖራል። የአፍሪካ ካርታ ምስል ላይ ከደብቡ አፍሪካ ኬፕታውን እስከ ካይሮ በክርስቶስ ደም ሲታጠብ አየሁ»