@hrhalbadr: ‏في دروبي رمل لامن جيت ساري ‏ينبت الأشواك لامن رحت ساري ‏صاحبي ماجيتك إلا وفي طريقي ‏من ربيع العام نوّار وخباري ‏ولا تواعدنا وبه في الأرض زهره ‏ولا تفارقنا وبه للبرق طاري ‏لا تأخر دام لي في العمر ساعه ‏ولا تقدم لين أشوفك في انتظاري ‏الزمن ورده .. سهرت أحسب ورقها ‏وإن قضا ماجيت في دموعي عواري ‏حبّني كثر اللذي نلقى بوعدنا ‏من ظلال وريح ونجوم وغداري ‏صاحبي مثل الخجل لو تكتسي بي ‏قبل أصير الشال يذهلني انحساري ‏ياقريب البعد .. للشكوى أسامي ‏الجفا .. والخوف .. وآخرها حذاري ‏وانت لو خان الزمن بقول وافي ‏لا أنا تركي .. ولا أظنك مشاري ‏⁧‫#بدر_بن_عبدالمحسن‬⁩ ‏⁧‫#البدر‬⁩ ⁧‫#دروبي_رمل‬⁩ ‏📍⁧‫#جده‬⁩ ⁦‪#1997م‬⁩ ‬⁩

1284

2026-05-28 19:47:34

2026-05-20 20:43:19

2026-05-20 02:43:11

To see more videos from user @hrhalbadr, please go to the Tikwm homepage.