Көкшетауда тұрғын үйлердің бірінің ауласында жеңіл автокөлік жаяу жүргіншілер аймағына шығып кетіп, анасы мен баласын қағып кетті. Оқиға 19 мамыр күні болған. Тәртіп сақшыларының мәліметінше, көлік қаққан сәтте кішкентай қыз анасының қасында болған. Оқиға салдарынан ауыр жарақат алғандар жоқ, бала жеңіл жарақаттармен құтылды. Жедел жәрдем жеткен соң дәрігерлер қызды тексеріп, ауруханаға жатқызуға негіз таппай, үйіне жіберген. Зардап шеккен баланың ата-анасы жүргізушіге ешқандай шағым түсірмеген және кінә артпаған. Соған қарамастан, полиция қызметкерлері заңнама талаптарына сай жүргізуші әйелді әкімшілік жауапкершілікке тартты. Қазіргі уақытта жол-көлік оқиғасының барлық мән-жайын анықтау үшін тиісті хаттамалар толтырылып, тексеру амалдары жүргізіліп жатыр. Айта кетейік, бұл Көкшетаудағы парковка аймағында болған алғашқы қайғылы жағдай емес. Осыған дейін қаладағы автотұрақтардың бірінде адам өлімімен аяқталған дәл осындай ірі жол апаты тіркелген болатын. - @qrnewskz