တချို့က ထင်ကြတယ်... ဒီကိစ္စလေးတစ်ခုတည်းနဲ့ ဘာလို့ အဲ့လောက်ထိ ဖြစ်သွားရတာလဲ၊ အဲ့လောက်ထိ ဆက်ဆံရေးတစ်ခုလုံး ဖြတ်တောက်ဖို့အထိ လိုလို့လားဆိုပြီး မေးခွန်းထုတ်ကြတယ်။ ဒါပေမဲ့ သူတို့ မသိတာက... အဲ့ဒီနောက်ဆုံးကိစ္စမတိုင်ခင်အထိ ကိုယ်က အခွင့်အရေးတွေ ဘယ်လောက်တောင် ပေးခဲ့လဲဆိုတာပဲ။ တကယ်က... နောက်ဆုံးဖြစ်သွားတဲ့ အဲ့ဒီကိစ္စကြီးကြောင့် မဟုတ်ဘဲနဲ့ "မဖြစ်လောက်ပါဘူး" ဆိုပြီး ကိုယ့်ဘာကိုယ် လိုက်ပြီး ခွင့်လွှတ်ပေးခဲ့တဲ့ ကိစ္စသေးသေးလေးတွေ တဖြည်းဖြည်း ပုံလာလို့ပါ။ "ငါကပဲ sensitive ဖြစ်လွန်းနေတာပါ" ဆိုပြီး မသိချင်ယောင်ဆောင်ခဲ့ရတဲ့ ကိုယ့်အပေါ် မငဲ့ညှာခဲ့တဲ့ အကွက်တွေ။ ကိုယ့်ကို ဖယ်ထားသလို ခံစားရပေမဲ့လည်း "ငါပဲ အတွေးလွန်နေတာပါ" ဆိုပြီး ကိုယ့်ကိုယ်ကိုယ် ပြန်ဖျောင်းဖျခဲ့တာတွေ။ အားလုံးကို ပြန်သုံးသပ်ကြည့်မှပဲ ကွက်ကွက်ကွင်းကွင်း မြင်လာရတဲ့ ကိုယ့်အပေါ်ထားတဲ့ မနာလိုမှုတွေနဲ့ တိတ်တဆိတ် မကျေနပ်မှုတွေ။ ပြန်တွေးမိတဲ့အချိန် ပိုပြီး ဒေါသထွက်ဖို့ကောင်းတာက... အဲ့ဒီပတ်သက်မှုကို ဆက်ထိန်းထားဖို့အတွက် ကိုယ့်ရဲ့ခံစားချက်တွေကို ဘယ်နှစ်ခါတောင် မြိုသိပ်ပြီး နေခဲ့ရလဲဆိုတာ ပြန်သိလာရတာပဲ။ ဘာလို့လဲဆိုတော့... ရင်ထဲမှာ အလိုလို သိနေခဲ့ပြီးသားမို့လို့ပါ။ ကိုယ်တိုင်ကပဲ လက်မခံချင်သေးတာ။ အဲ့ဒီ "ဘာမှမဟုတ်တဲ့ ကိစ္စလေး" ဆိုတာကလည်း... ရင်ထဲမှာ မြိုသိပ်ထားသမျှ အရာအားလုံးကို ဆက်ပြီး မသိချင်ယောင်ဆောင်ဖို့ မဖြစ်နိုင်တော့တဲ့ အချိန်တစ်ခု ရောက်သွားလို့ပါပဲ။ ဒါကြောင့် ကျွန်မကိုယ်တိုင်ဖြတ်တောက်ခဲ့တဲ့ဆက်ဆံရေးတွေက “အဲဒီကိစ္စ”တစ်ခုတည်းကြောင့် ဘယ်ုတ်းကမှ မဟုတ်ခဲ့ပါဘူး။ #friendshipbreakup #HealingJourney #emotionalhealing #selfreflection #finalstraw - @hermaryverse