اپنی دنیا میں مگن رہو… کوئی کسی کے بغیر نہیں مرتا۔ یہ فلسفہ نہیں، یہ سچ ہے۔ کڑوا، ننگا، بے رحم سچ۔ میں رو رو کر ہلکان ہو جاؤں… دنیا نہیں رکتی۔ میں کھانا چھوڑ دوں… سورج ڈوبنا نہیں بھولتا۔ میں مرنے کی قسمیں کھاؤں… مگر صبح پھر بھی ہو جاتی ہے۔ کیوں؟ کیونکہ کوئی کسی کے بغیر نہیں مرتا۔ کیونکہ درد ہوتا ہے… موت نہیں۔ جس دن وہ گیا، لگا اب سانس رک جائے گی… دل ڈوب گیا، آنکھیں سوکھ گئیں، راتیں کالی ہو گئیں۔ مگر دیکھو… میں زندہ ہوں۔ کھا بھی رہی ہوں، پی بھی رہی ہوں، اور کبھی کبھی ہنس بھی لیتی ہوں۔ اس کا مطلب کیا ہے؟ اس کا مطلب یہ ہے کہ میرا جسم مجھ سے زیادہ سمجھدار ہے۔ اسے پتا ہے کہ ایک شخص کی خاطر پوری زندگی داؤ پر نہیں لگائی جاتی۔ درد سہنا اور مر جانا… دو الگ چیزیں ہیں۔ کیونکہ دنیا کو میرے عشق سے زیادہ اپنی پڑی ہے۔ میرے رونے سے باس چھٹی نہیں دے گا۔ میرے نہ کھانے سے بجلی کا بل معاف نہیں ہوگا۔ میرے مرنے کی دھمکی سے ماں کی دوائی کا خرچہ نہیں رکے گا۔ تو بتاؤ… میں خود کو کس کے لیے برباد کر رہی ہوں؟ اس کے لیے جو اپنی دنیا میں مگن ہے؟ جسے میرے آنسوؤں کی خبر تک نہیں؟ جاگو لڑکی… وہ جی رہا ہے، تو تم کیوں مر رہی ہو؟ “اس کے بغیر مر جاؤں گی” یہ سب سے بڑا جھوٹ ہے۔ یہ فلموں، ناولوں اور گانوں کا ڈائیلاگ ہے۔ حقیقت میں لوگ چھوڑ جاتے ہیں… اور تم بچ جاتی ہو۔ لوگ دغا دے جاتے ہیں… اور تم پھر بھی صبح اٹھ جاتی ہو۔ لوگ بھول جاتے ہیں… اور تمہارا دل پھر بھی دھڑکتا رہتا ہے۔ تو مان لو… تم مضبوط ہو۔ اس سے کہیں زیادہ مضبوط، جتنا تم نے خود کو سمجھ رکھا ہے۔ اب کیا کرنا ہے؟ اپنی دنیا بساؤ۔ اس نے تمہیں اپنی دنیا سے نکالا… اب تم اپنی دنیا کی بادشاہ بنو۔ کتابیں پڑھو، پیسہ کماؤ، سفر کرو، ہنر سیکھو۔ خود کو اتنا مصروف کر لو کہ اس کا خیال آئے تو ہنسی آئے۔ کیونکہ جب تم اپنی دنیا میں مگن ہو جاؤ گی، تب پتا چلے گا کہ وہ تو بس ایک گلی تھا… تمہاری پوری بستی نہیں۔ اللہ مجھے اتنا مصروف کر دے کہ میں فضول لوگوں کے لیے رونا بھول جاؤں۔ میری دنیا اتنی حسین ہو کہ کسی کے جانے سے ویران نہ ہو۔ اور میرا دل اتنا بڑا ہو کہ ایک کے جانے پر ہزاروں کے لیے جگہ باقی رہے۔ قبرستان بھرے پڑے ہیں اُن لوگوں سے جو سمجھتے تھے کہ اُس کے بغیر مر جائیں گے۔ مگر وہ مر گئے… اور دنیا چلتی رہی۔ تم زندہ ہو… تو زندگی جیو۔ کسی کے بغیر مرا نہیں جاتا، ہاں… جینا بھول جاتا ہے انسان۔ تو جینا یاد کرو۔ اپنی دنیا میں مگن رہو۔ کیونکہ جب تم خوش ہو گی، تب وہ پچھتائے گا۔ اور یہی تمہاری سب سے بڑی جیت ہوگی #fypシ゚viral🖤tiktok #sadlines #motivation #fyp #quotes @TikTok Pakistan @TikTok - @aliyazeeshan3