@peter4npa: لما تبقى مدير👔... 3️⃣ متفوتش الخطوة المهمه دي👇 زي ما اتفقنا المرة اللي فاتت إن أول حاجة بتعملها لما تستلم منصب جديد هي إنك تقعد مع التيم بتاعك، تتعرف عليهم، وتسمع مشاكلهم وطموحاتهم.. الخطوة دي مهمه علشان مع الوقت، ده هيبني ثقة وعلاقات أقوي بينكم، والفريق هيبقي مندمج ومحفز وبالتالي انتاجية اكتر (راجع خطوة 2️⃣) بس في خطوة تانية موازية ومهمة جداً لنجاحك، وهي إنك تقعد مع مديرك المباشر.. ليه؟ 🎯 عشان تفهم المطلوب والأهداف (Objectives): لازم تعرف الرؤية الكبيرة من فوق وتعرف إيه اللي الإدارة مستنياه منك ومن تيمك بالظبط في الفترة الجاية. 🤝 تفهم طريقة شغله ودماغه: كل مدير ليه أسلوب في المتابعة، والـ Reporting، والتواصل. فهمك لطريقته هيوفر عليك وعليها وقت ومجهود كبير. 📊 تاخد فيدباك عن التيم : اسمع من مديرك عن نقاط القوة والضعف في الفريق من وجهة نظر الإدارة، ومين الأشخاص المؤثرين اللي تقدر تعتمد عليهم. وكمان تاخد فيدباك عن منطقتك واهم العملاء ولو في اي حاجة هتابعها والأهم من ده كله.. ما تنساش المحيطين بيك 🌐 اتعرف علي باقي زمايلك المديرين و على باقي الأقسام (Other Departments) اللي شغلهم متداخل معاك. المدير الشاطر مش بس اللي عينه على فريقه، هو اللي بيعرف يربط فريقه بأهداف الإدارة والشركات التانية عشان الصورة تكتمل. 🧭 لأن نجاح تيمك مرتبط بنجاح المنظومة كاملة.#لما_تبقي_مدير #Management #leadership
