كنت في نهايه خامس ابتدائي وبديت اللاحظ تجيني نغزات بفخذي الايسر عند الحوض وكان الم قاتل لكنه يجي فجاءه ويروح فجاءه . مرت الايام والالم يزيد بشكل تدريجي لكن بشكل لحظي ايضاً. وصلت لمرحله اني فقدت قدرتي على الجري وفقدت قدرتي على المشي بشكل طبيعي صرت اعرج وكنت بكل مره اشكي ل اهلي وكانو يتجاهلوني خصوصاً امي كانت تتجاهلني كثير وتعتقد اني طفل اكذب عشان اغيب او شي زي كذا وكانت تعطيني حلول بسيطه زي زيوت والخ وماكنت مقتنع فيها ابي اروح دكتور وبعد محاولات عديده بعد ماصار موقف معين جاتني النغزه فجاءه من قوتها طحت على الارض وجلست ابكي بشكل عجيب فجاءه هنا اقتنعو اني اروح دكتور رحت ل اكثر من دكتور وكلهم كانو افشل من بعض لدرجه اتخاصم معهم الين رحت لدكتور شايب سوري اتذكر الموقف للان وبزيارتي له كنت على عربيه متحركه من شدي تعبي من المشي ماصرت امشي على رجولي الطبيعيه لما ادخل المستشفى. دخلت على دكتور وقالي ليه قاعد على العربه انت تقدر تمشي حكيت له كل شيء وسوو لي اشعه وشاف الاشعه ووجهه قلب وقتها وقال انت فيك كيس عظمي وبدا يتكلم مع والدتي وقال لازم نسوي عمليه ضروري ب اقرب وقت لن الكيس العظمي الي عنده مثل قشره البيض عظامه بهذه المنطقه وقال لازم نسوي عمليه وسالته هل العمليه ناجحه؟ هنا سكت وقالي كلام ماتذكره بضبط لكنه كان زي الكف على وجهي لو مانجحت العمليه مقدر امشي ثاني مره هنا ماصرت اشوف شي كل شي ضبابي وجلست ابكي مو لني مقدر امشي بل لني يمكن اكون عبء على اهلي مابي اكون عبء لني اعرف بكون ثقيل ولا لي اي قيمه وقتها. مرت الايام وجا يوم العمليه وسويت العمليه ونجحت نوعا ما جراحياً بس النتيجه يبي لها مده والمهم بعد العمليه صحيت بعدها بساعتين او ثلاث صحيت وانا ماني قادر اتحرك كنني مشلول بديت استرجع طاقتي شوي شوي بعدها بكم دقيقه بديت استوعب انا مسوي عمليه واستوعبت الالم الي برجلي جلست اصرخ من الالم ويديني تضغط اطراف السرير كان الالم قاتللل لنهم خرمو لي العظام وقطعو الاعصاب واللحم والخ. واضافو لي مسامير طبيه داخل العظم. كان الم مو طبيعي كنك طاعني بسكين واي حركه او نفس كان يقتلني من الالم صرت افضل عدم الحركه ماني قادر اتحرك من شده الالم انشللت تماماً. وسالت الدكتور كم بقعد كذا والصدمه قالي قرابه ال٦ اسابيع عشان اتعافى يا الله يالصدمه وقتها انا توقعت فقط اسبوع اسبوع ونص والصدمه الاكبر لما طلعت من المستشفى باليالله وبمعناة قضيت كل وقتي قرابه الثلاث شهور كلها بغرفتي بين اربع جدران ماقدر اطلع وان حاولت اطلع اهلي يبان عليهم تلميحات انهم ب يتورطون فيني ويتفشلون او يشوفوني عبء على الطلعه فا مابغيت اطلع نهائي خصوصا اني كل ذي الفتره اتالم الم لا يعلم به الا الله سواء نفسي ولا جسدي تخيل عشان تبي تروح دوره المياة لازم تزحف زحف للعربه حقتك من السرير ولازم تتحمل الم تقطيع لحمك ويمكن تنفك جراحك وينزف الدم! ولما شفت شكل جرحي بعد ماشلت اللصقه الطبيه انصدمت شكل الجرح كبير وشكل اللحم كان مشمئز كنت بتقيء كثير. جلست٣ شهور بين اربع جدران كنت سجين غرفتي وألمي ومرضي . بهذه الثلاث شهور تغير تفكيري تماما اتجاه الحياة صار عندي تفكير مفرط وش النتيجه هل برجع اقدر امشي هل وهل وهل. كنت سجين تفكيري ومرضي وغرفتي. كانت اسوء تجربه مريت فيها بحياتي تحت ضغط نفسي عظيم وخذلان كبيرر من عائلتي لكنني ماالومهم حاولو يسوون الي عليهم . لكن هذا سوء قدري المعتاد من البشر.احس بعد هذه التجربه ايقنت محد لي الا صحتي وفلوسي غير كذا ماردهم يتخلون عني مو لنهم اشخاص سيئين لكن هذه طبيعه الحياة وايقنت ذا شي اكثر واكثر بعد مامريت بتجارب اكثر قسوه من هذه لكن مو بنفس التعب لنني ازددت قوه هذه مو اسوء تجربه فعليا بكثر ماانها اكثر فتره كنت ضعيف فيها قد امر ب ضغوطات ومواقف اسوء بكثير لكن الفرق انا اقوى من هذه المواقف الان بعدد مامريت بتجارب سيئه كثير صار عندي مناعه اتجاه الضغط والالم مايكسرني شي انا بشخصي لكن الي يكسرني فعلا عائلتي اما انا بشخصي احس اني ميت تماماً - @fanta.503