ပင်ပန်းလာတဲ့အခါ အရာရာကို လွှတ်ချလိုက်ဖို့တွေးတယ် ... တော်ရုံတန်ရုံပင်ပန်းရုံလောက်နဲ့တော့ သည်းခံပေးလိုက်လို့ ရတယ်လေ ပြီးတော့ ဝဲနေတဲ့မျက်ရည်ကို သုတ်ပြီး အဆင်ပြေပါတယ်လို့ ခပ်တည်တည် ဖြေလိုက်လို့လဲ ရတယ် ဒါပေမယ့် ပင်ပန်းလွန်းမက ပင်ပန်းလာတဲ့အခါကျရင်တော့ ကိုယ်ဘယ်လောက်တွယ်တာမိတဲ့အရာပဲ ဖြစ်ဖြစ် လွှတ်ချလိုက်မိမှာပါ ။ လူတစ်ယောက်လေ ... ခံစားချက်တွေရှိတယ် ။ မြိုသိပ်ထားမယ်ဆိုရင် ဘယ်လောက်များ မြိုသိပ်ထားနိုင်မှာမို့လို့လဲ အဆင်ပြေပါတယ်လို့ညာရင် မပြေတဲ့ရက်တွေချည်း ဖြတ်သန်းလာရတဲ့အခါ အဆင်ပြေလား လာမမေးနဲ့ ငါပြေမနေဘူးဆိုပြီး ဘယ်သူမဆို ပေါက်ကွဲမိမှာပါပဲ တစ်ခါလောက် ကျေးဇူးပြုပြီးတော့ ငါ့ဖက်ကိုကြည့်ပါဆိုတဲ့ စကားလုံးတွေလဲ ထပ်ပြီး မသုံးချင်တော့ဘူး ။ ငါမောနေပြီ ... မသေချာတဲ့အရာတွေကို မျှော်လင့်နေပြီး တစ်ရက်တစ်ရက် ကိုယ့်ကိုယ်ကိုယ် နှိပ်စက်နေရတာာတွေကိုလဲ မုန်းမိလာပြီ ။ တစ်ခုပြောပြခဲ့ချင်တယ် ... လူတစ်ယောက်က ချစ်တယ်ဆိုတိုင်း ဘာပဲဖြစ်ဖြစ် ခွင့်လွှတ်နေမှာပဲလို့လဲ မတွေးပဲ ဘယ်တော့ဖြစ်ဖြစ် သိပ်ချစ်နေမှာပဲလို့လဲ မတွေးစေချင်တော့ဘူး ချစ်ခြင်းမေတ္တာမှာ တစ်ခါတစ်လေကျတော့ အသွားအပြန်တွေ လိုပါတယ် ကိုယ်ကသွားပြီး ကိုယ်တစ်ယောက်တည်း ပြန်လာရတဲ့ ချစ်ခြင်းမေတ္တာတွေမှာ ထွေးပိုက်စရာတွေဆိုလို့ နာကျင်ခြင်းတွေရယ် အထီးကျန်ခြင်းတွေပဲ ရှိနေတဲ့ ဘ၀လေ ။ ငိုရတဲ့ ညတွေ လွန်ချင်ပြီ ကြင်နာရတဲ့မင်းကိုလဲ မေ့ချင်ပြီ ဆုတွေလဲ မတောင်းတော့သလို လွှတ်ချရဲတဲ့ သတ္တိတွေပဲ မွေးပါတယ် ။ နောက်ဆုံး အရင်လိုပြန်မဖြစ်နိုင်တော့တဲ့အခြေအနေတွေမှာ တစ်နေ့နေ့တော့ ပြောင်းလဲလာမှာပါဆိုတဲ့စိတ်နဲ့ မပြောင်းလဲခြင်းတရားတွေမှာ စိတ်ကောလူကော နစ်ထားရတာဟာ သိပ်ကိုပင်ပန်းတယ် ... ကိုယ့်ကို မချစ်တဲ့သူကို ချစ်နေရတာဟာ တော်တော်လေး ပင်ပန်းတယ် ။ ကိုယ်သည်းခံနိုင်တာထက် ပိုလာတဲ့အခါ ပေါက်ကွဲမိသလို စိတ်ကောလူကော ပင်ပန်းလွန်းမက ပင်ပန်းလာတဲ့အခါ ဘယ်အရာကိုမဆို လွှတ်ချလိုက်ဖို့တွေးပါတယ် ... ကိုယ်ဘယ်လောက်တွယ်တာတဲ့ အရာပဲ ဖြစ်ဖြစ် သေလောက်ချစ်တဲ့ မင်းပဲ ဖြစ်ဖြစ်လေ ... ဘ၀ဆိုတာ တိုတယ်လေ ... အနည်းဆုံးတော့ ကိုယ့်ကိုယ်ကိုယ် ပျော်အောင် ထားရဦးမယ် ။💜🌿🍂 #ကျေးကို - @bae78893