@26september_25: —ចាង លាង (Zhang Liang) គឺជាកំពូលទីប្រឹក្សា និងជាអ្នករៀបចំផែនការយុទ្ធសាស្ត្រដ៏ឆ្នើមបំផុត។ គាត់គឺជាមនុស្សម្នាក់ក្នុងចំណោម « កំពូលវីរបុរសទាំងបីនៃដើមរាជវង្សហាន » ដែលបានជួយជ្រោមជ្រែង លីវ ប៉ាង តស៊ូដណ្តើមរាជបល្ល័ង្កពី ស៊ាំង អុី រហូតបង្កើតបានរាជវង្សហានបានសម្រេច។ —ចាង លាង ដើមឡើយជាកូនចៅអភិជន និងជាអ្នកប្រាជ្ញនៃនគរហាន ។ ក្រោយពេលនគររបស់គាត់ត្រូវបានស្តេច Qin Shi Huang វាយកម្ទេច គាត់បានស្បថសងសឹក និងបានលបធ្វើឃាតស្តេចឈិនថែមទៀត ប៉ុន្តែមិនបានសម្រេច។ គាត់មិនមែនជា មេទ័ពដែលកាន់ដាវទៅច្បាំងនៅលើសមរភូមិផ្ទាល់ដូច ហាន ស៊ីន ឡើយ ។ — គាត់អាចមើលដឹងពីស្ថានការណ៍ នយោបាយ និងចិត្តសាស្ត្រមនុស្សយ៉ាងល្អ រហូតដល់ លីវ ប៉ាង ធ្លាប់បានសរសើរថា៖ « បើ និយាយពីការរៀបចំផែនការក្នុងតង់បញ្ជាការ សម្រេចជ័យជំនះក្នុងសមរភូមិរាប់ពាន់យោជន៍ ខ្ញុំមិនអាចប្រៀបនឹង ចាង លាង បានទេ »។ 🍀 ខុសពីមេទ័ព និងទីប្រឹក្សាដទៃទៀត ដែលលោភលន់នឹងលាភសក្ការៈក្រោយពេលឈ្នះសង្គ្រាម, ចាង លាង ដឹងច្បាស់ពីចរិតរបស់ លីវ ប៉ាង ថាជាមនុស្សដែលអាចរួមទុក្ខ តែមិនអាចរួមសុខបានឡើយ (កាលណាអស់សត្រូវ មេទ័ពល្បីៗនឹងត្រូវកម្ទេច)។ ដូច្នេះ ក្រោយពេលបង្កើតរាជវង្សហានរួច គាត់បានសុំលាឈប់ពីតំណែងទាំងអស់ ហើយ ចេញពីឆាកនយោបាយទាំងស្រុង ដោយទៅរស់នៅលើភ្នំ ធ្វើការតាំងសមាធិ ហ្វឹកហាត់ផ្លូវចិត្ត និងសិក្សាពីក្បួនឱសថបុរាណតាមបែបលទ្ធិតាវ ដើម្បីព្យាបាលជំងឺប្រចាំកាយរបស់គាត់។យ៉ាងស្ងប់ស្ងាត់ ដែលធ្វើឲ្យគាត់អាចរក្សាជីវិតបានគង់វង្ស ខណៈដែលមេទ័ពល្បីៗផ្សេងទៀតដូចជា ហាន ស៊ីន ត្រូវគេប្រហារជីវិត។

⋆˚࿔ នំប៉ាវ | Nom Pao 🐧

Open In TikTok:

Region: KH

Saturday 23 May 2026 03:07:12 GMT