چاند نے ایک رات مجھ سے پوچھا… “کہاں گیا تیرا محبوب؟ تو تو اُس کا مقابلہ مجھ سے کیا کرتا تھا، کہتا تھا اُس کے چہرے کے سامنے میری روشنی بھی پھیکی ہے…” میں کافی دیر خاموش رہا۔ پھر آہستہ سے ہنسا، وہ ہنسی جو صرف ٹوٹے ہوئے لوگ ہنستے ہیں۔ میں نے چاند سے کہا: “وہ اب کسی اور آسمان کا چاند بن گیا ہے… اور میں؟ میں اب بھی اُسی رات میں پھنسا ہوں جہاں اُس نے آخری بار مجھے دیکھا تھا۔” چاند خاموشی سے سنتا رہا۔ میں نے کہا، “پہلے میں تجھے دیکھ کر اُسے یاد کیا کرتا تھا، اب تجھے دیکھتا ہوں تو اپنی کمی یاد آتی ہے۔ وہ شخص جس کے لیے میں دنیا سے لڑ سکتا تھا، آج اُس کی یاد سے ہار جاتا ہوں۔” ہوا بہت خاموش تھی۔ رات بھی جیسے ہمارے درمیان رُک گئی تھی۔ میں نے چاند کی طرف دیکھ کر کہا: “تو خوش قسمت ہے چاند… تجھے دیکھنے والے ہر رات واپس آ جاتے ہیں، مگر جسے میں نے چاہا تھا وہ ایک بار گیا تو پھر کبھی لوٹ کر نہیں آیا۔” چاند دھیرے سے بادلوں میں چھپ گیا، شاید اُسے بھی احساس ہو گیا تھا کہ کچھ محبتیں روشنی نہیں دیتیں… صرف عمر بھر کی اداسی دے جاتی ہیں۔ اور سچ تو یہ ہے… کچھ لوگ چھوڑ کر جانے کے بعد بھی نہیں جاتے، وہ انسان کے اندر ہمیشہ کے لیے رہ جاتے ہیں… خاموشی بن کر، درد بن کر، اور ہر رات چاند کو دیکھتے ہوئے آنکھوں میں اتر آنے والی نمی بن کر۔ #fyp #y_syed #بدبخت - @y_syed