الحب المشروط وربطه بالطاعه وسحبه مع اي اختلاف ف الرأي حتي ..ممكن يكون بيجيب لك نتايج مبهره في وقتها ك مُربي ..بس للاسف علي المدي الطويل نتايجه بتكون سيئه جدا علي الاولاد اعاده برمجه جهازك العصبي بتتم من خلال التعافي من تشوهات الصوره الذاتيه للشخص عن نفسه ..و مدي تأثير التقبل المشروط زمان ..وشكل بيئته الحاليه تأثير التقبل المشروط علي الأشخاص مختلف في ناس بيتحول عندها ل نمط تعلق قلق وتاس يتحولوا لنمط تعلق تجنبي ناس الخصام يبقي بالنسبه لها نهايه العالم وناس من كتر الخصام اللي اتعرضوا ليه مابقاش فارق معاهم حد مفيش حد صح وحد غلط ..كل انسان بيكون آليه نفسيه دفاعيه مختلفه عشان يعرف يتعايش مع ألمه ..بس الآليه دي علي المدي الطويل بتتحول لسجن اللامبالاه سجن ..والتعلق القلق سجن واحنا بنتعافي علشان نتحرر ونعيش اخف واسعد ف قبل ماتحكم علي نفسك ان شخصيتك ضعيفه وحساس اوفر ..افهم نفسك الاول ومشاكلها واسعي لعلاجها وبعدين احكم دكتوره ماجي الشافعي أخصائي الطب النفسي وعلاج الادمان والعلاج المعرفي السلوكي - @drmaggieelshafei