وإنك نفخت ناس لدرجة بقو يتعالوا ويشوفوا نفسهم عليك وإنك قدمت الكتير شديد لزول ما قدّر الجميل اللي أنت قدمته ليهو في يوم من الأيام وعند أول خلاف أظهر ليك حقيقتو ونواياهو تجاهك. حأفضل أحب المواقف شديد مواقف بسيطة ويمكن ما عندها قِيمة بس حقيقي بتغربل الفترة دي مواقف كتيرة كشفَت .. وغربلت .. وصفّت العلاقات الحوليني. ناس كنا مخدوعين فيهم شديد وشايفنهم أحسن ناس في الدنيا بس عند أول مطب في علاقتنا بيهم اظهروا لينا كمية خبث .. حقد .. سواد نِية ما طبيعي ! بكترة مواقفهم البايخة معانا الغشاوة الكانت قدام عيوننا اتلاشت وبقينا نشوفهم بحجمهم الطبيعي ! مع إننا اكتشفناهم ع حقيقتهم ودي حاجة كويسة شديد ! بس حقيقي هم يستاهلوا جائزة الأوسكار في تمثيل المحبة ..وصدق النية ! واكتشفنا كمان إنه صورتهم الحلوة اللي نحن كنا شايفناهم بيها دي ! ما هي إلا إنعكاس لمحبتنا ليهم وتعاملنا الطيب معاهم وإنه نحن بي إيدنا اللي نفخناهم و رفعناهم فوق في السماء ! ومجرد ما نحن نسحب محبتنا منهم ! صورتهم بتبقى حقيقية و واضحة وباهتة شديد قدام عيوننا ! صدق اللي قال .. اللي بترفعوا فوق في السماء حيجي يوم ويدّق بيك الأرض فكتر خير المواقف اللي خلتنا نتلدغ منكم مرة = بس حتخلينا لقدام نعيد النظر في علاقتنا بيكم .. وحتخلينا نختكم في المكان اللي بتستاهلوه. مصيرها الأيام تعدي .. بس أفعالكم حترتب مكانتكم في حياتنا. دنيا ظالمة .. البتخاف عليهو من الأذى ! تلقاهو أول زول بيأذيك - @kjoonka63