@sakr_shaheen: #توكل_على_الله_واسمعها_من_بوخيرالله | حلقة ٢١ يا جماعة… الأيام دي عظيمة عند ربنا. أيام المفروض القلوب فيها تهدى… والنفوس تصفى… مش نخشها وإحنا شايلين من بعض! أخ مخاصم أخوه بقاله سنين… وجار ما بيكلمش جاره… وصاحب مزعل صاحبه… وقلوب مليانة حسد وغل وحقد. وبعدين نقول "ليه حياتنا متعطلة؟" "ليه مفيش راحة؟" "ليه البركة قليلة؟" حاسب نفسك الأول. يمكن كلمة جرحت بيها أمك… أو زعلت أبوك… أو ظلمت حد… أو أكلت حق مش حقك… وربنا مستني منك ترجع. إحنا بقينا ندعي كتير… لكن قليل اللي بيراجع نفسه بصدق. يا جماعة… الدين مش صلاة وصيام بس. الدين أخلاق… وحقوق… وقلب نضيف. إحنا خير أمة أخرجت للناس المفروض فيها الرحمة والسند والمحبة… مش الشماتة والقطيعة والحقد. بقينا نفرح للغريب… ونحسد القريب! ونسامح البعيد… ونقسى على أهلنا! صفوا نيتكم… وردوا الحقوق… وصالحوا بعض… يمكن دعوة صادقة في الأيام دي تغير حياتنا كلنا 🤍 ✨ سؤالي ليكم: مين أول شخص نفسك تصالحه لو قررت تبدأ صفحة جديدة؟ 👇 #صقر_شاهين #بناء_الإنسان #تربية_سليمة #قيم_أخلاقية
