noloshu waxay i tustay qof aan si dhab ah u jeclaaday, qof qalbigayga u noqday degel iyo degenaansho, oo aan nasiib u helay inaan la joogo. Dumar badan oo adduunka ku nool ayaan arkay, laakiin adigu waxaad tahay mid ka duwan dhammaan dumarka , mid kalgacalkeedu uu si toos ah u taabanayo wadnaha, hadalkeeduna uu noqday daawo la’aanteed aanan neefsan karin. Markii aan ku bartay, ma aanan ogeyn in hal qof uu sidaas u beddeli karo noloshayda oo dhan La’aantaa, xitaa maalmaha cadceedda leh waxay u muuqdaan kuwo mugdi ah. Waqti kasta oo aan iska xasuusiyo, qalbigaygu wuxuu dareemaa farxad iyo Rajo qurux bdan sababtoo ah adigaan ku bartay anigoo aanan ogayn inaad nasiibkayga noqon doontid. Waan ogahay, jacaylka runta ahi ma dhammaado xitaa marka labada qof ay kala fog yihiin. Mararka qaar waxaan is idhaahdaa, “Ilaahay maxuu u keenay qof aan sidan u jeclahay balse uusan ii yeelin nasiibkayga Laakiin markaan runta fiiriyo, waxaan garwaaqsaday in Ilaahay uu ii kaa keenay adiga si uu qalbigayga u baro macnaha dhabta ah ee jacaylka, jacayl aysan badali karin waqtiga, meelaha, ama xaaladaha. Adiga ayaa ah dumar tii ugu wacnayd ee noloshayda soo martay. Qosolkaaga, ilintaada, iyo sida aad u jeceshahay daqiiqadaha yaryar waa wax aanan weligay iloobi karin. Ma jiro qof kale oo i dareensiiyay sida aan adiga kuu dareemay. Xusuustaada waa qayb iga mid ah waa nafta aan la noolahay, waana sababta aan wali u aamuso markaan arko qorrax dhaca, maxaa yeelay waxay i xasuusisaa adiga oo aan gacmaha ku haysto. Waqtiyada qaar waxaan ku fekerayaa haddii aan dib u noqon lahaa, ma jiri lahayd wax aan ka doorbido inaan kuu sheego sida aan kuu jeclahay. Haddii adduunku fursad kale isii lahaa, adigaan mar kale ku dooran lahaa , xitaa haddii aan ogahay in dhamaadka uu noqon doono mid xanuun badan. Jacaylka aan kuu hayo ma aha mid waqti ku eg. Waa mid ku qoran laabta, mid aan la tirtiri karin, mid u dhashay inuu ku noolaado xusuusta iyo ducooyinka qalbigeyga. Haddii aad mar dareento riyo laguugu yeerayo, ogow waa aniga oo kugula jooga riyada hurdada, adigan Ilaahay ka baryaya inuu kuu fududeeyo noloshaada wayo waxaad noqotay qayb iga mida iyo riyadaydi oo rumowday ogow waligay waan ku jeclaan doona waayo Dumar tii ugu wacnayd adigaa ah. Ma noqon nasiibkayga, balse waxaad noqotay qof aan nolol iyo geeri midna ku iloobi doonin ❤️🥺 - @omarrr411