كلام الناس….............. دائمًا نسمع: خليهم يحچون ترَ حتى على الأنبياء حچوا وعلى الأئمة هم حچوا وهذا صحيح الناس ما سكتت حتى عن أفضل خلق الله لكن بنفس الوقت… لازم نفهم شغلة مهمة: تره الإنسان مهما كان قوي يبقى يتأثر بالكلمة الكلمة مو دائمًا بسيطة أكو كلمة: تهد إنسان تكسر ثقته تخليه يشك بنفسه أو يعيش بحزن أيام لهذا لا تستهينون بالكلام ليش الناس تحچي؟ مو دائمًا لأنك غلط. مرات: لأنك مختلف لأنك ناجح لأنك متغيّر أو فقط لأن بعض الناس تحب الانتقاد المشكلة مو بكلام الناس فقط المشكلة لما تخلي كل كلمة تتحكم بحياتك إذا كل رأي يهزك راح تتعب كل عمرك حتى الأقوياء يتأثرون تره مو عيب إذا تضايقت من كلمة، ولا يعني إيمانك ضعيف. إنت إنسان، والقلب يتأذى. لكن الفرق: هل تبقى أسير الكلام؟ لو تتجاوزه وتكمل؟ لا تعطي الجميع حق تقييمك مو كل شخص يفهمك، ومو كل شخص يعرف قصتك. لهذا لا تبني قيمتك على آراء متغيّرة. الناس تتكلم دائمًا… إذا نجحت حچوا، وإذا فشلت حچوا، وإذا سكت حچوا. فعيش حياتك بما يرضي الله وضميرك، مو بما يرضي كل الناس. الكلمة تؤثر… نعم، لكن لا تسمح لها تهدمك. #العتبه_الحسينيه_المقدسه #العتبه_الرضويه_المقدسه #العتبه_العباسيه_المقدسه #العتبه_العلويه_المقدسه #اللهم_صل_على_محمد_وآل_محمد - @saa3_b1