@yilugg: ልጄ ሆይ … ጠቢብ ሁን፣ ልቤንም ደስ አሰኛት! ልጄ ሆይ … ቃልህን ጠብቅ … ዕምነትህን አጥብቅ … የሰው ልጅ የውበቱና የጉልበቱ ምንጭ ከከናፍሮቹ እንደሚቀዳ አትዘንጋ … ማስተዋል ብቻ ነው የህያው ዓይኑ … ሌላው ብሌንም በለው ምንም … ያው የኖርክበት በብረቱ ነው … ትላንት ሸኝቶሃል … ዛሬም ተቀብሎሃል … ነገም የሞት ቀጠሮ ብሎ በክብር አድሞሃል … ጀምበር‘ንኳ የምትፈልቅበት የምትጠልቅበት ጉዳይ ውስጥ አንተም አለህበት … ክቡር ነህና ባምሳሉ የተፈጠርክ … በባህሪው እስኪሰርፅህ ድረስ ጭራሽ እንዳትቦዝን … በእንቅልፍ ሳይዛመድ መልአከ ሞት ማንም ቤት ገብቶ አያውቅም… ስትነሳ ብቻ ተጠንቀቅ … ስትጀምር ብቻ አረጋግጥ፣ መነሻህ ልክ ከሆነ መድረስህ አያጠያይቅምና - ማንስ ቢሆን የዘራውን እንጂ ምኑን ያጭዳል … ከመማር በላይ ጽድቅ ካለ ጭራሽ አልመኝም … ፊደል ውስጥ ገድል አለ … ፊደል ውስጥ ዕድል አለ … ፊደል ውስጥ ድልድል አለ … ብሎም ፊደል ውስጥ ድል አለ … ቀኑን ተማርበት ሌቱን ዘምርበት … ይህን ያልሳተ ነው ሁሌም የሚያምርበት ያለውን አዝማሪ መቼም አልረሳውም … ከጎራ ወዲያ ያለውን አገር ስንቅና ትጥቅ ከምፈጅ … አስቀድሞ ገልጦልኛል … ይኽውልህ ልጄ ሆይ … ያደለው ለሌላውም ብርሃን ይሆናል … ግር ሲለው ደግሞ ቁልፉን በቀኝ እጁ እየወለወለ አገሩን ቀውጢ አርጎ ውደዱ እያለ ያምሳል … ከልብህ አትራቅ፣ ከሙክራብህም አትውጣ … ይኽ ጽንፍ አልባ የሚታይህ ገፋፊ አለም ማንም በሰፋው ቁና ልስፈርህ ቢለው የሚቀመስ እንዳይመስልህ … በዕድሜ ዘመኔ ያየሁት አንድ ሃብታም ሰው ብቻ ነው … የዚያም ሰው ንብረቱ … “ሁሉም ከድካም ይታጨዳል” የሚለው መቼም የማይናወጥ ጽኑ ዕምነቱ ነው … ከስስት በላይ የሥጋ ደዌ በሽታ አለ ቢሉኝ እያየሁት‘ንኳ ቢሆን አላምንም … ለገስኩ ብሎ ደሞ ለውዳሴ ከንቱ እየዘራ፣ እያጨደ፣ ቤቱ ወስዶ ሊወቃ እንደሚያግዘው ግን ሲኦል የለም … ይህ የኔ የግል ነው ብለህ በባለቤትነት የያዝከው አንዳችም ነገር እንደሌለ ልቦናህ ጠንቅቆ እያወቀው … በግልባጩ ደሞ አንተ እንዴት ሁሉም የኔ አልሆነ ብለህ ካልሆነ የምትጨነቀው … ቋንቋህ ፍቅር ከሆነና ውሎና አዳርህ ሰላማዊ ከሆነ … ቢያንስ በሕይወት መንገድ ላይ ነህና ዕድለኛ ነህ … ቸር እንሰንብት ሙሉጌታ ተስፋዬ #onthisday

𝙮𝙞𝑙𝑎𝑘 G-𝑔𝑖𝑜𝑟𝑔𝑖𝑠

Open In TikTok:

Region: ET

Sunday 24 May 2026 21:05:34 GMT