@kjoonka63: خليك واثق إنو قلبي حيبقى الحِتة الحنينة شديد الحتحميك من قساوة الدنيا .. وحيبقى بيتك الحيدّفيك من برد الأيام ويغطيك من حر السنين. في كل مرة تحس إنك تايِّه والدنيا أبوابها مقفلة في وشك = حتلقاني أنا وقلبي قاعدين في أخر الطريق مُستننك وفاتحين ليك أبواب وسكك عشان تترتب. كل ما طاقتك تنتهي وتجي قصادي مهزوم ! =حتلقاني مجهزة ليك مخزون حب يخلي طاقتك تتشحن من تاني .. مخزون يخليك تعيش مبسوط طيلة السنين اللي حتعيشها معاي. عادي الزول يكون محظوظ في الدنيا دي .. بس الزول المحظوظ شديد إنو في نهاية المطاف وبعد عمر من التعب وقسوة الأيام يلاقي إنسان يبقى ليهو عوض لطيف شديد عن كل حاجة كعبة أذت قلبو .. إنسان يفتح ليهو قلبو عشان يبقى بيتو الأبدي الحيحتويهو من كل تقلبات الأيام !)) لسيد الروح المواعيدو لسه ما جات ! أنت بس تعال زور قلبي يوم .. حأهدي ليك قلبي عمر كامل !)) 🌍❤ عمر كامل يبقى ليك وتبقى أنت سيدو الأول والأخير 🌍❤