@sew1305_: ඕනවට වඩා කාටවත්, කිසිම දේකට ඇබ්බැහි වෙන්න එපා… මොකද පුරුද්දක් වෙච්ච දේවල් නැති වෙනකොට හිතට දැනෙන හිස්කම වචන වලින් කියන්න බැරි තරම් බරයි. මුලදී ඒක ආදරේ වගේ දැනෙයි, සැනසීමක් වගේ දැනෙයි, දවස ගෙවන්න හේතුවක් වගේ දැනෙයි. හැබැයි ටිකෙන් ටික ඒ මනුස්සයා නැතුව හිනාවෙන්න බැරි, කතා නොකර දවස ගෙවන්න බැරි, message එකක් නැතුව හිත නිවෙන්නෙ නැති තරමට අපිම අපිව ඔවුන්ට පුරුදු කරගන්නවා. ඊට පස්සේ අහිමිවීමක් ආවොත්… එකපාරටම මුළු ජීවිතේම නැවතුණා වගේ දැනෙනවා. ඉස්සර හුරු වෙලා හිටපු හැම තැනකම ඒ මතක ඇවිත් හිත රිදවනවා. නිදාගන්න ගියත් මතක, ඇහැරුණත් මතක, හිනාවෙන්න ගියත් හිත ඇතුලෙන් කඩන් වැටෙනවා. අතරමං වෙනවා කියන්නේ ඒකයි… යන්න ඕනේ කොහෙද, හිත හදාගන්නේ කොහොමද, ආයෙත් තමන්ව හොයාගන්නේ කොහොමද කියලා හිතාගන්නවත් බැරි තරමට මනුස්සයෙක් වැටෙනවා. ඒ නිසා ආදරේ කරන්න… බැඳෙන්න… හැබැයි තමන්ගේ හිත, නිදහස, සතුට මුළුමනින්ම කාගෙවත් ලඟ තැන්පත් කරන්න එපා. මොකද අන්තිමට තමන්වම නැති කරගත්ත මනුස්සයාට තමන්වම හොයාගන්න එක තමයි වැඩියෙන්ම අමාරු දේ…!❤️‍🩹😞