@mohmmedmoon0: الراحة النفسية البتجي من شخص… دي من أندر الحاجات الممكن الواحد يلقاها في حياتو. لأنو الناس هسي بقوا كتار، لكن الطمأنينة قليلة. تلقى نفسك طول اليوم وسط زحمة كلام، وضحك، ومجاملات، لكن قلبك تعبان ساي… لحدي ما يجيك شخص واحد بس، يغير إحساس اليوم كلو بدون ما يحاول حتى. في ناس ربنا بيرسلهم ليك كأنهم أمان بعد خوف، وهدوء بعد دوشة، وونس بعد تعب طويل. ناس وجودهم ما عادي… لما تتكلم معاهم بتحس إنك خفيف، وإنو الحاجة التقيلة الجواك بقت أهون. ما لأنهم حلوا كل مشاكلك، لكن لأنهم خلّوك تحس إنك ما براااك. الراحة النفسية مع زول بتحبّو ما معناها إنكم دايمًا تضحكوا أو تكونوا مبسوطين، لا… مرات الراحة تكون إنك تقدر تسكت معاه بدون إحراج. تكون زعلان وهو يحس بيك من نبرة "ألو". تكون مضغوط وتلقى نفسو بيسألك: "مالك؟" بالطريقة البتخليك عايز تحكي كل الحاصل بدون خوف. وفي ناس، والله مجرد اسمهم لما يظهر في التلفون، قلبك يروق. تحس إن الدنيا وقفت شوية عشان ترتاح. رسالة صغيرة منهم ممكن تعدّل مود يوم كامل، وكلمة بسيطة منهم ممكن تقومك بعد تعب شديد. أجمل شعور لما تلقى زول تكون مرتاح معاه على طبيعتك… ما خايف من حكم، ولا محتاج تتصنع القوة، ولا مجبور تخبي ضعفك. زول يشوف أسوأ حالاتك وبرضو يعاملك بحنية واحترام. زول لما الدنيا تقسى عليك، تلقى حضورو أخف من أي حل. وفي الحقيقة، نحنا ما بنتعلق بالناس عشان شكلهم أو كلامهم الحلو بس… نحنا بنتعلق بالشعور البيدونا ليهو. بالراحة. بالأمان. بالإحساس إنو في قلب شايلنا بدون ملل، ويفرح لفرحنا ويضايق من زعلنا بصدق. مرات تلقى نفسك وسط ألف زول، لكن ما مرتاح إلا مع شخص واحد. الشخص الدا لمن تحكي معاه تحس روحك ارتاحت بعد تعب طويل، ولمن يغيب، حتى لو غاب ساعات بس، تحس اليوم ناقص حاجة. والله نعمة كبيرة تلقى إنسان يكون مأوى نفسي ليك… زول أول ما تتعب تلقائيًا تمشي ليهو، وأول ما تفرح عايز تحكي ليهو، وأول ما تضيق الدنيا عليك، مجرد وجودو يطمنك إنو كل شي حيبقى بخير. لأنو في النهاية… الراحة النفسية ما مكان. ولا فلوس. ولا كلام كثير. الراحة النفسية أحيانًا بتكون "شخص". شخص واحد بس… لكن وجودو يعادل راحة الدنيا كلها.#مليون_مشاهدة❤ #مشاهير_تيك_توك_مشاهير_العرب #الشعب_الصيني_ماله_حل😂😂 #مشاهير_تيك_توك #الشكري@☜☆☞سنغالي▄︻┻═┳一 @Mohammed Abdo 😎♥️ @Ahmed :احمد @هشام محمد @⚜️ حسن (الجزري) ⚜️
